Gjenerali rus thotë se Wagneri është i paligjshëm, pjesëtarët e grupit mercenar e kërcënojnë: Do të përdhunojmë në Sheshin e Kuq

Mosmarrëveshja mes kompanisë private ushtarake Wagner dhe ushtrisë së rregullt ruse vazhdon, shkruan Daily Beast.

Në videon e fundit, Wagnerët kërcënuan se do të përdhunojnë një përfaqësues të parlamentit rus dhe një gjeneral kolonel, që guxoi të fliste kundër grupit famëkeq mercenar, transmeton Telegrafi.

Një video që qarkullon në kanalet të afërta me Wagner, tregon tre luftëtarë të maskuar që zotohen të hakmerren ndaj Viktor Sobolev.

Lexo po ashtu Bucha para një viti dhe tani, fjala është për të njëjtën rrugë – ukrainasit arritën të bëjnë mrekulli

“Ne jemi luftëtarë në Bakhmut,” thotë një burrë, duke u paraqitur si një rekrutë i thirrur nën urdhrin e mobilizimit të presidentit rus Vladimir Putin.

Dy të tjerë e identifikojnë veten si anëtarë të Wagner, ku njëri është një mercenar i zakonshëm dhe tjetri një ish i dënuar i rekrutuar nga grupi.

“Ne duam t’i themi përfaqësuesit Sobolev: Nëse ti, o i ndyrë, fut hundën dhe Rusia e humb luftën për shkak të mashtruesve si ti, ne do të duhet të vijmë në Sheshin e Kuq për të mbrojtur njerëzit tanë dhe të përdhunojmë ty dhe njerëz si ti”, thanë ata.

Lexo po ashtu Arrestohet kreu i Gjykatës së Lartë të Ukrainës, prokurorët publikojnë fotografinë e tufave me dollarë në divan

Kërcënimi vjen pasi Sobolev, një anëtar i komitetit të mbrojtjes të Dumës ruse, premtoi se rekrutët që bashkohen me Wagnerin do të përballen deri në 15 vjet burg. Ai gjithashtu e quajti grupin mercenar një formacion ushtarak “të paligjshëm”.

Reagimi i furishëm erdhi fillimisht nga themeluesi i Wagner, Yevgeny Prigozhin, i cili e ftoi Sobolev të vinte në vijën e parë dhe të tregonte “çfarë është i aftë të bëjë”. Prigozhin ka fyer zyrtarët ushtarakë prej muajsh, por sulmet e tij kanë arritur kulmin javët e fundit.

Shefi i Wagner tha javën e kaluar se luftëtarët e tij duhej të “shpërdornin municione” duke vrarë forcat ruse që iknin nga fushëbeteja.

Washington Post njoftoi dje se kishte marrë informacione sekrete që zbuluan se Prigozhin kishte ofruar t’u zbulonte ukrainasve vendndodhjet e ushtarëve rusë. /Telegrafi/

Mercenaries of the #Wagner PMC threatened Deputy Viktor Sobolev to come to Red Square after the defeat in the war and punish him.

Earlier, Sobolev stated: "PMCs are an illegal armed formation, it is not clear where it is registered and what it does." pic.twitter.com/M7iVindLz1

— NEXTA (@nexta_tv) May 16, 2023