Gjendet një shishe me një mesazh që ishte shkruar 132 vite më parë

Një inxhinier, gjatë një inspektimi në një depo të vjetër 209-vjeçar në Skoci, zbuloi një mesazh brenda një shisheje që datonte 132 vite më parë.

Ross Russell, inxhinier mekanik i Bordi të Fenerëve të Veriut, hoqi disa panele nga një dollap në Fenerin Corsewall, i vendosur në majën veriore të Rhins of Galloway, dhe vuri re një shishe të fshehur brenda murit.

Russell dhe ekipi përdorën një litar dhe një dorezë fshese për ta nxjerrë shishen nga vendi i saj i fshehtë dhe e hapën së bashku me rojen aktual të fenerit, Barry Miller.

Sipas ekipit, tapa ishte ngjitur fort dhe duhej të hiqej me kujdes duke përdorur një shpues.

“Ne të gjithë u betuam për heshtje nëse do të ishte një hartë thesari”, tha me shaka Miller.

Brenda saj gjendej një shënim i datës 4 shtator 1892, që mbante emrat e tre inxhinierëve që kishin instaluar një dritë në majën e fenerit 30 metra të lartë, si dhe emrat e tre rojtarëve të fenerit.

“Ishte kaq emocionuese, ishte sikur të takonim kolegët tanë nga e kaluara. Ishte sikur ata të ishin aty me ne”, tha Miller dhe shtoi se “ishte si t’i prekësh ata, si të ishin pjesë e ekipit tonë. Në vend që të ishim vetëm katër, ishim të gjithë aty, duke ndarë atë që ata kishin shkruar, sepse ishte e prekshme dhe mund të shihje stilin e shkrimit të tyre”.

Shënimi përmbante:
“Kjo dritë u instalua nga James Wells, inxhinier; John Westwood, marangoz; James Brodie, inxhinier; David Scott, punëtor, të firmës James Milne & Son Engineers, Milton House Works, Edinburgh, gjatë muajve nga maji deri në shtator dhe u ndez përsëri të enjten në mbrëmje, më 15 shtator 1892. Në atë kohë, rojtarët e stacionit ishin: John Wilson, kryesor; John B Henderson, ndihmës i parë; John Lockhart, ndihmës i dytë. Lentet dhe makina u siguruan nga James Dove & Co Engineers Greenside Edinburgh dhe u instaluan nga William Burness, John Harrower, James Dods, inxhinierë me firmën e sipërpërmendur”. /Telegrafi/