Dhimbja e shpinës nuk është aspak një shaka. Pavarësisht se a ka dikush një stil tejet të ngarkuar të jetesës apo është krejtësisht përtac, çdo njëri nga ne jemi të rrezikuar nga dëmtimi i shpinës përmes aktiviteteve tona ditore.
Por, fatmirësisht ekzistojnë disa ushtrime të thjeshta, por efektive, e që garantojnë se do t’jua heqin dhimbjen e shpinës, transmeton Telegrafi.
Ushtrimi i parë
Shtrijuni në shpinë. Lakojeni këmbën e djathtë te gjuri, ndërsa këmben e majtë drejtojeni mbi kokë.
Këmbën e majtë kapeni me dy duart nën gjunjë dhe ngriheni drejt gjoksit. Këtë mocion të tërheqjes mbajeni për 30 sekonda. Ushtrimin përsëriteni dy herë për dy këmbët.
Shtrijuni në shpinë dhe lakoni dy këmbët te gjuri. Këmbën e majtë kapeni me dy duart te gjuri dhe tërhiqeni te gjoksi. Këtë pozicion mbajeni për 20 sekonda, ndërsa ushtrimin përsëriteni dy herë për dy këmbët.
Shtrihuni në shpinë. Dorën e djathtë zgjateni në anën e djathtë, por le të jetë në kënd të duhur me trupin. Këmbën e majtë zgjateni në mënyrë që të jetë e drejtë. Pastaj, përpiquni ta zgjatni gjurin e djathtë në anën e majtë, në mënyrë që vetëm sa unk e prekë dorën e majtë.
Këtë pozicion mbajeni për 20 sekonda dhe ushtrimin përsëriteni dy herë për dy këmbët.
Shtrihuni në shpinë dhe lakojeni këmbën e majtë te gjuri. Gjysmën e poshtme të këmbës së djathtë kryqëzojeni mbi ijën tuaj të majtë, në mënyrë që gjuri të jetë i drejtuar anash në kënd të duhur.
Me kujdes tërhiqeni këmbën e majtë drejt kokës dhe pozicionin mbajeni për 30 sekonda. Ndryshoni pozitën e këmbëve dhe përsëriteni ushtrimin.
Uluni në dysheme duke e përdorur gjurin e djathtë, ndërsa këmbën të zgjatur pas jush. Këmba juaj e majtë duhet të jetë e lakuar te gjuri. Pozicionin mbajeni për 30 sekonda dhe ushtrimin përsëriteni bashkë me ndryshimin e këmbëve.
Shtrijuni në anën e djathtë. Lakojeni këmbën e majtë te gjuri duke e kapur kyçin e këmbës me dorën e majtë. Me kujdes tërhiqeni kyçin e këmbës me dorë. Shpina juaj asnjëherë nuk duhet të lakohet, por duhet të jetë në pozitë të drejtë. Pozicionin mbajeni për 30 sekonda, pastaj shtrijuni në anën e majtë dhe përsëriteni ushtrimin. /Telegrafi/
