Gjashtë fanella të kapitenit të Argjentinës, Leo Messi nga Kupa e Botës 2022 shiten së bashku për 7 milionë euro

Gjashtë fanella të Lionel Messit të veshura gjatë Kupës së Botës 2022 u shitën për 7.8 milionë dollarë së bashku (7 milionë euro) në një ankand të Sotheby në Nju Jork.

Messi ishte kapiten i Argjentinës në turnen e fituar ndaj Francës me penallti në finale.

Gjashtë fanellat ishin të pjesës së parë të finales, gjysmëfinales, çerekfinales, të 1/16-tës dhe dy ndeshjeve në grup.

Rekordi për një fanellë futbolli të veshur gjatë një ndeshje ishte ajo që njihet si “Dora e Zotit” e Diego Aramndo Maradona, e cila u shit për 7.1 milionë funte në 2022.

Messi, tetë herë fitues i Topit të Artë, u bë lojtari i parë në historinë e Kupës së Botës që shënon në fazën e grupeve, 1/16, çerekfinale, gjysmëfinale dhe finale të një turneu.

Ai luajti në të shtatë ndeshjet e Argjentinës në Kupën e Botës 2022.

Lexo po ashtu "Duhet të ishim kampionë, e ndjeva, e dija" - fjalët e Leo Messit në dokumentarin që pritet t'i thyejë rekordet

“Një pjesë e të ardhurave nga ankandi do t’i dhurohet Projektit Unicas, të udhëhequr nga Spitali i Fëmijëve Sant Joan de Deu Barcelona me mbështetjen e Fondacionit Leo Messi, për të përmbushur nevojat të fëmijëve që vuajnë nga sëmundje të rralla”, ka thënë njëri nga organizatorët e ankandit. /Telegrafi/