Edhe në spektaklin e së hënës (11 dhjetor) në shtëpinë më të famshme në Kosovë, Big Brother VIP, u zhvilluan ngjarje të ndryshme.
Mes rrëfimeve e debateve të konkurrentëve, krejt në fund, ata vazhduan me nominime.
Shqipe Hysenaj dhe Gani Gërmia - qenë dy nga banorët që shkuan automatikisht në nominim për shkak të një incidenti që ndodhi javën e kaluar.
Foto: Screenshot/YouTube
Veç tyre, të tjerë që u nominuan më shumë ishin: Blero, Lumbardhi, Kader Kicaj dhe Miss Rose.
Në vend të Bleros, ishte Linda ajo që doli e nominuar, por Alba e shfrytëzoi avantazhin e fituar nga “Sfida e Kapitenit”, duke e shpëtuar këtë të fundit e duke e zëvendësuar me këngëtarin.
Njëri prej tyre pritet të largohet të premten (15 dhjetor) duke lënë kështu përfundimisht garën për çmimin e madh prej 200 mijë eurosh.
Telegrafi ka realizuar një sondazh për lexuesit, për të marrë mendimet e tyre rreth personazhit që do të eliminohet.
