Gërkovska – Jurova: Forcimi i vlerave demokratike është çelësi i përparimit në shoqëri

Zv.kryeministrja përgjegjëse për politika të qeverisjes së mirë, Slavica Grkovska, sot pasdite në Bruksel ka zhvilluar takim me Komisioneren për vlera dhe transparencë në Komisionin Evropian, Vera Jurova.

Në takim u diskutua për nevojën e forcimit të vlerave demokratike dhe sundimit të ligjit, si dhe për progresin e RMV-së në forcimin e transparencës proaktive të institucioneve dhe përballjen e korrupsionit.

Në takim, zëvendëskryeministrja Grkovska informoi për objektivat e Forumit të Grave Lidere nga EJL për qeverisje të mirë dhe kundër korrupsionit, i cili është themeluar me qëllim të rrjetëzimit të grave nga rajoni, të cilat me veprimet e tyre profesionale janë shembull i përgjegjësi dhe integritet.

“Komisionerja evropiane Jurova theksoi se iniciativa të tilla janë të rëndësishme, duke pasur parasysh se është e nevojshme të adresohet pyetja pse shumë gra largohen nga jeta publike, veçanërisht ato të përfshira në politikë, gjyqësor, media dhe sektorin joqeveritar, për shkak të presionit. nga forma të ndryshme të dhunës me bazë gjinore”.

“Në takim u diskutua edhe për nevojën e fuqizimit të brezit të ri, veçanërisht përmes ndryshimeve sistematike në arsim, të cilat duhet të inkorporojnë vlera reale dhe të rrisin interesin e të rinjve për përfshirje në proceset sociale. Duke marrë parasysh ngjashmërinë e portofoleve të komisioneres evropiane Jurova dhe zëvendëskryeministres Grkovska, u dakorduan hapat për aktivitete të përbashkëta në periudhën e ardhshme”, thuhet në njoftimin e Qeverisë për takimin në mes Grkovskas dhe Jurovas.