Këngëtarja Genta Ismajli tash e një kohë të gjatë është izoluar me familjen e saj në Zvicër, përfshirë këtu edhe të dashurin turk, Huseyin Usta.
Bukuroshja, e cila numëron fansa të shumtë në Instagram, nuk ngurron të ndajë imazhe dhe video të ndryshme nga përditshmëria e saj.
Gjatë ditës së sotme (e enjte), ajo ka publikuar një fotografi përkrah nënës së saj, Shpresës, të cilat shfaqen së bashku në makinë.
Genta Ismajli dhe nëna e saj (Foto: Instagram)
Në imazhin e ndarë me 436 ndjekësit, e gjithë vëmendja është tek e ëma e Gentës e cila shquhet për sharmin dhe elegancën e saj.
Krahas kësaj, artistja nga Gjilani po e shijon tejet shumë edhe lidhjen e saj të re me partnerin turk, i cili jeton dhe vepron mes Zvicrës dhe Turqisë.
Të njëjtit përmes rrjeteve sociale kanë azhurnuar fansat për çdo aktivitet dhe veprim gjatë kësaj periudhe pandemie globale.
Genta dhe Huseyin Usta (Foto: Instagram)
Sa i përket projekteve muzikore, "Zjarr" mbetet kënga e fundit e lansuar nga Genta në mars të vitit që lamë pas, ndonëse u prit mjaft mirë nga publiku. /Telegrafi/
