Gazetari argjentinas ndërpret raportimin pasi zbuloi se shtëpia e tij po vidhej teksa ai ishte në transmetim Live

Ky është momenti i jashtëzakonshëm kur një gazetari televiziv iu desh të ndërpresë transmetimin e drejtpërdrejtë – pasi mësoi se po i vidhnin shtëpinë teksa ai ishte në transmetim.

Sipas medieve të huaja, përcjell Telegrafi, argjentinasi Alejandro Pueblas duhej të informonte një prezantues në studio për diçka tjetër.

Por në vend të kësaj, shikuesit panë gazetarin e shqetësuar duke u thënë shefave të tij të televizionit se do t’i duhej të hiqte mikrofonin dhe të nxitonte të kthehej në shtëpinë e tij sepse po i thyhej.

Alejandro, i cili punon për kanalin e lajmeve Cronica HD dhe po raportonte drejtpërdrejt nga Florencia Varela, tha: “Ata (hajnat) sapo kanë hyrë në shtëpinë time”.

“Ata thyen një dritare. Më fal, por duhet të iki. Unë kam njerëz brenda shtëpisë time”.

Pak më shumë se një orë më vonë, viktima e vjedhjes pranoi të merrte përsëri mikrofonin e tij – këtë herë jashtë shtëpisë së tij të plaçkitur në Los Hornos në periferi të qytetit La Plata – për të treguar dëmin e shkaktuar.

Asnjë arrestim nuk është bërë ende, por policia mësohet se ka pamjet e CCTV të personit përgjegjës.

Kolegët e punës së Alejandro-s tani po organizojnë një mbledhje fondesh në mënyrë që ta ndihmojnë atë të zëvendësojë disa nga sendet që janë vjedhur. /Telegrafi/