Gazetarët: Të mos mbahen zgjedhjet pa reforma në mediume

Portalb njofton se pesë organizatat e gazetarëve dhe të mediave (SHGM SPPM, IMM, KEM dhe ISK) sot takuan ambasadorë dhe përfaqësues të lartë të ambasadave dhe misioneve në vend, ku diskutuan mundësinë për rifillimin e bisedimeve për reformat në media, të parashikuara në marrëveshjen e Përzhinos dhe në refomat urgjente prioritare të Bashkimin Evropian, transmeton Telegrafi Maqedoni.

Përfaqësuesit e organizatave shprehën shqetësimin që partitë politike nuk arritën të bien dakord mbi reformat në media para pesë qershorit, si parakusht për mbajtjen e zgjedhjeve të lira dhe të besueshme. Ata theksuan se është e pakuptimtë qe në shtete demokatike partitë në pushtet dhe kryetari i Kuvendit të refuzojnë takime me organizatat e
mediave.

Organizatat propozuan që partitë politike që mbështetin propozimet e ndërmjetësit evropian Peter Vanhoutte t’i dorëzojnë ato në Kuvend për miratim, ndersa faktori ndërkombëtar t’i mbështes këto përpjekje për reforma në media para zgjedhjeve.

Përfaqësuesit e BE-së dhe SHBA-ve, si dhe përfaqësuesit tjerë diplomatik përsëritën qëndrimin se mbështesin fuqishëm propozimet e Vanhojtes për reforma në media./Telegrafi/