Gazeta katalunase: Iniesta ka vendosur të transferohet në Kinë, njoftimi i tij vjen pas finales së Copa del Rey  

Kapiteni i Barcelonës, Andres Iniesta do të njoftojë lëvizjen e tij të ardhshme para fundit të muajit.

Pas fitores kundër Valencias të shtunën, Iniesta zbuloi se ai kishte marrë tashmë një vendim – por nuk do ta shpallë atë ende.

Megjithatë, gazeta e njohur katalunase Sport ka raportuar rreth vendimin të tij dhe thekson se është larg Camp Nout.

Lexo po ashtu Iniesta do të largohet nga Barcelona për tu transferuar në Kinë, Tianjin e bënë futbollistin më të paguar në botë

Sipas gazetës Sport, mesfushori ka vendosur të pranojë një lëvizje fitimprurëse në Kinë dhe do të largohet nga Evropa pas Kupës Botërore.

Iniesta do të konfirmojë zgjedhjen e tij javën e ardhshme pas përfundimit të finales së Copa del Rey kundër Sevillas më 22 prill.

Ai do të luajë sezonin e tij të fundit me Barcelonën, do të marrë pjesë në Kupën e Botës me Spanjën, përpara se të shkojë në Lindjen e Largët më vonë këtë vit.

Lexo po ashtu Klubi kinez ka gati 36 milionë euro në vit për Iniestan, po ashtu blerjen e 2 milionë shisheve verë të prodhuara nga ai

Me kalimin e tij në Superligën e Kinës, ku mendohet të jetë skuadra Tianjin Quanjian, thuhet se Iniesta do të bëhet futbollisti më i paguar në botë.

Rroga vjetore e mesfushorit magjik spanjollet mendohet se do të jetë mbi 35 milionë euro në sezon. /Telegrafi/