Gashi për rastin e Dakës: Presim që me këtë çështje të merret njëherë Avokati i Popullit

Shefi i Grupit Parlamentar të Lidhjes Demokratike të Kosovës (LDK), Arben Gashi foli edhe për shkarkimin e ish-kryetares së Komisionit Qendror të Zgjedhjeve (KQZ), Valdete Daka.

Gashi në një konferencë për media pas mbledhjes së Kryesisë së Kuvendit të Kosovës tha se sa i përket kësaj çështje janë duke pritur që Avokati i Popullit të merret me këtë çështje dhe t’i drejtohet Gjykatës Kushtetuese.

Siç tha Gashi janë duke i përkrahur mendimet e Dakës se do t’i ndjek të gjitha rrugët ligjore, dhe nëse asnjëra nga institucionet nuk funksionin atëherë LDK-ja siç tha ai do të shoh në aspektin politikë.

“Kemi mendime të ndryshme sa i përket kësaj çështje, ne i përkrahim mendimet e Dakës. Për momentin që ajo thotë se do të ndjek rrugët ligjore dhe pastaj presim nga institucionet e pavarura kushtetuese që të bëjnë punën e tyre për të parë se sa janë shkelur kategoria e të drejtave të njeriut, pavarësia e institucioneve kushtetuese, etj. Pra Avokati i Popullit le të merret me këtë çështje dhe t’i drejtohet Gjykatës Kushtetuese dhe nëse asnjëra nga këto institucione nuk funksion atëherë do të shohim në aspektin politikë sepse veprimi dhe vlerësimi ynë është politik dhe i drejtohet kapacitetit juridik dhe Gjykatës Kushtetuese. Presim në këtë çështje që të merret Avokati i Popullit. Mendojmë që Avokati i Popullit të merret me këtë çështje”, ka thënë Gashi.

Gashi po ashtu theksoi se është dhe një problem tjetër, ai i përfaqësimit të delegacionit për Marrëveshjen e Stabilizim Asocimit (MSA).

Gashi u shpreh se ka një tension të situatës për këtë përfaqësim nga Lëvizja Vetëvendosje (LVV), pasi siç tha Gashi nga pozita (LVV) thonë se Lista Serbe është në opozitë dhe jo në pozitë.

“Është për keqardhje tendenca e LVV-së për të prishur balancat e ndërtuara vite me radhë në Kosovë, sa i përket këtij përfaqësimi. Pasi MSA-ja ka një balancë të barabartë se do të ketë nga 13 anëtarë nga Kosova dhe 13 anëtarë nga Parlamenti Evropian, dhe këta 13 anëtarë nga Kosova duhet të jenë 7 nga pushteti dhe 6 nga opozita. Ndërsa LVV thotë se Lista Serbe nuk është në pozitë, por kanë një ministër, e kjo s’ka ndodh kurrë. Ata thonë se nuk kanë një koalicion formal me Listën serbe, e ka pas plotë qeveri tjera që s’kanë pas koalicion formal me Listën Serbe, por ata konsiderohen pushtet sepse e kanë një ministër dhe kjo po e dëmton interesin e Kosovës”, tha ndër të tjera Gashi. /Telegrafi/