Furgoni i modifikuar enkas për terrene malore, Mercedes Sprinter sjell “Hulkun”

I ‘thyer’ nga jashtë, por është një shtëpi me rrota që është zgjidhja për shëtitje nëpër vende të ndryshme. 

Nëse do të jetoni jetën e furgonit, ky furgon është një mundësi e mirë, sepse përveç që ofron një rehati të mirë, është një furgon jashtëzakonisht i qëndrueshëm, që ju bënë ballë çdo terreni, transmeton Telegrafi.

Dhe kjo është ajo që e dallon nga furgonat tjerë këtë Mercedes-Benz Sprinter.

Sigurisht edhe pronarët e këtij furgoni bënë disa ndërhyrje në të duke i bërë disa ndryshime të dukshme atij, dhe nga një furgon ‘normal’, e kthyen në një ‘bishë’ të vërtetë për terrene të ashpra.

Në fillim ky furgon u quajt Bruce. Tani që ka ngjyrë të gjelbër dhe të zezë të errët, pronarët e quajnë pajisjen Bruce Banner (Hulk) sepse është mjaft i ‘keq’.

Pjesa e jashtme, si prapa ashtu edhe para, kanë disa maska që e bëjnë edhe më të ‘ashpër’ pamjen e tij. Shkallët anash sigurojnë që shumë lehtë të ngjiteni në pjesën e sipërme të furgonit.

Për të hyrë në vende të vështira, furgoni tani ka një lëvizje 4×4. Furgoni funksionon me goma 37 inç, dhe lartësia e udhëtimit është 8.5 inç më e gjatë, gjithashtu.

Pronarët synojnë ta marrin Bruce Banner edhe në vendet më të ashpra, madje edhe aty ku ndihma mund të mos jetë në gjendje t’i arrijë ata lehtësisht. Për të shpëtuar veten e tyre, ka një çikrik prej 12,000 kile, borde rigjenerimi dhe krik. Ato gjithashtu mbajnë komplete të specializuara të ndihmës së shpejtë për njerëzit dhe qentë në bord.

Ndërsa pjesa e jashtme është e ‘thyer’, pjesa e brendshme është shumë e rregullt.

Pronarët e zbukurojnë atë me nuanca kafe, kafe dhe jeshile që krijon një mjedis të errët, por natyralist.

Ka 40 litra ujë në dispozicion dhe bateri me vlerë 600 amp/orë. /Telegrafi/