Frika nga coronavirusi, pamjet nga droni tregojnë radhë të pafund njerëzish që presin në radhë për të blerë një maskë

Qindra njerëz janë filmuar duke u radhitur për të blerë maska për fytyrën, nën frikën e shpërthimit të coronavirusit, në një qytet të Koresë së Jugut.

Sipas mediave të huaja, përcjell Telegrafi, një numër i gjatë njerëzish “bllokuan” dyert e një supermarketi në qytetin Daegu të hënën ndërsa njerëzit u përpoqën të mbroheshin kundër përhapjes së sëmundjes në mes të frikës së një pandemie globale.

Koreja e Jugut tani thuhet se ka numrin më të madh të rasteve të konfirmuara jashtë territorit të Kinës, pasi infeksionet erdhën në fundjavë, duke arritur në 830 deri të hënën në mëngjes.

Nga të prekurit, tetë njerëz gjithashtu kanë vdekur nga sëmundja në vendin aziatik.

Skenat mahnitëse jashtë supermarketit u kapën nga gazeta e Koresë së Jugut “Maeil Shinmun”.

Siç bëhet e ditur, më shumë se 140 nga rastet e reja të Koresë së Jugut ishin në dhe afër Daegu, qyteti me 2.5 milionë njerëz ku kanë ndodhur shumica e infeksioneve të vendit.

Ndërkohë thuhet se pesë prej vdekjeve ishin të lidhura me një spital në Cheongdo, afër Daegu, ku një konfirmim i infeksioneve u konfirmua në mesin e pacientëve në një repart psikiatrik.

Ndërsa zyrtarët kanë shprehur shpresë se mund të përmbajnë shpërthimin në rajonin përreth Daegu, disa ekspertë vunë re se shenja të virusit po qarkullojnë në të gjithë vendin. /Telegrafi/