Kombëtarja e Francës ka shënuar fitore mjaft bindëse me rezultat 2-0 ndaj Uruguait në Nizhny Novgorod për t’u kualifikuar në gjysmëfinale të Kampionatit Botëror, Rusia 2018.
Pjesa e parë filloi me intensitet të lartë nga të dy skuadrat.
Uruguai pati rastin më të mirë në fillim të takimit kur Caceres dështoi të shënonte nga afërsia.
Festa e golit nga Franca
Në fund të pjesës së parë (40’) ishte Rapahel Varane ai që shënoi për 1-0 me kokë nga një distancë e largët duke shfrytëzuar harkimin e Griezmann.
https://twitter.com/princessvideo1/status/1015244699072978945
Në pjesën e dytë Uruguai provoi të dilte përpara, por reshtimi i Francës ishte fantastik dhe mbrojtja ishte e pathyeshme.
Një goditje e fuqishme e Antoine Griezmann në minutën e 61-të ishte e pamenaxhueshme nga Muslera i cili nuk arriti të largonte topin dhe kështu pasi gaboi, edhe pësoi për 2-0.
https://twitter.com/CiampaJustin/status/1015254766623100928
Deri në fund Uruguai nuk pati fuqi që të thyejë mbrojtjen e Francës dhe rezultati mbeti i pandryshuar.
Franca tash pret fituesin e takimit Brazil – Belgjikë për të kuptuar kundërshtarin në gjysmëfinale. /Telegrafi/
