Kopshti Zoologjik Atlanta ndau disa fotografi të gorillës Anaka dhe njëra prej tyre zbuloi në detaje dorën e saj tepër njerëzore.
Nuk është e çuditshme, as e re, që njerëzit dhe gorillat kanë shumë ngjashmëri.
Shkencëtarët kanë vëzhguar gorillat për shumë vite dhe kanë konfirmuar se ato ngjajnë me ne në shumë mënyra.
Ato e perceptojnë botën në një mënyrë të ngjashme me ne, ne ndajmë të njëjtën lloj gjuhe, ato jetojnë në grupe të mëdha familjare dhe jetëgjatësia e tyre është pothuajse e njëjtë me tonën.
Përkatësisht, më 30 gusht 2019, Anaka festoi ditëlindjen e gjashtë, kështu që kopshti zoologjik, Atlanta, postoi fotografi të saj në Facebook dhe fansat dërguan mesazhe të shumta urimi për të.
Sidoqoftë, një fotografi specifike dhe shumë e afërt e dorës së Anaka tërhoqi vëmendjen e tyre.
Anaka ka një pigmentim unik rozë dhe të bardhë në gishta, kështu që imazhi zbulon një pjesë të dorës së saj që duket si një dorë njerëzore!
Copëza unike e pigmentit në dorë, e cila duket jashtëzakonisht e ngjashme me njerëzit, rrudhat dhe thonjtë e shkurtër, kujtoi edhe njëherë se sa të forta janë ngjashmëritë tona me gorillat! /Telegrafi/
