Formacioni i mundshëm i Evertonit nën drejtimin e Lampardit dhe me transferimet e Dele Alli dhe Van de Beek

Anglezi Frank Lampard u prezantua para disa ditësh si trajneri i ri i Evertonit pas shkarkimit të Rafa Benitezit më herët gjatë janarit.

Legjenda e Chelseat nuk humbi kohë në tregun e transferimeve duke bërë disa përforcime cilësore për ekipin e tij në Goodison Park.

Dështimi i Manchester United, Donny van de Beek, u bashkua në huazim deri në fund të sezonit, pasi refuzoi një ofertë të ngjashme nga Crystal Palace.

Lexo po ashtu Van de Beek zyrtarizohet te Evertoni, do ta bartë fanellën me numrin 30

Dele Alli u bashkua gjithashtu nga Tottenham Hotspur në një marrëveshje që mund të shkoj në 40 milionë funte.

25-vjeçari kishte humbur vendin në formacionin e Spurs, por Lampard shpreson t’i japë atij një shans për të rifilluar karrierën e tij në Merseyside.

Ylli i Chelseat, Ruben Loftus-Cheek ishte lidhur gjithashtu me një lëvizje te Toffees pasi ish-trajneri Lampard e njeh mirë, por një transferim nuk u materializua.

Lexo po ashtu Zyrtare: Dele Alli ka kompletuar kalimin te Evertoni

Mbrojtësi i majtë ukrainas Vitaliy Mykolenko gjithashtu u bashkua në ditën e fundit të afatit të janarit në një marrëveshje katërvjeçare e gjysmë nga Dynamo Kiev.

Me këto tri transferime dhe me yje tjerë aktualisht në skuadër, mediumi The Sun ka përpiluar një formacion të mundshëm se si mund të paraqitet Evertoni i Lampardit në sezonin pranveror në Ligën Premier.

Më poshtë keni formacionin e mundshëm të Evertonit:

/Telegrafi/