Superliga e ka mbyllur edhe javën e 12-të me ndeshje mjaftë interesante, ku nuk munguan befasitë.
Drenica e ka fituar derbin lokal duke e mposhtur Feronikelin me rezultat 1-0. Vushtrria ka marr fitore ndaj Llapit (1-0), ndërsa edhe Prishtina e ka mposhtur Flamurtarin me rezultat 2-0.
Ballkani e ka mposhtur Dukagjinin me rezultat 1-0, ndërs Drita ka fituar si mysafir i Ferizajt (2-0). Befasinë më të madhe e ka shkaktuar Trepça ’89 q e ka mposhtur pastër Gjilanin 2-0, duke e rrëzuar edhe nga pozita e parë.
Redaksia e Telegrafi Sport i ka vlerësuar individët më të mirë të kësaj jave, duke i vendosur në një formacion 3-5-2.
Portier
Petrit Tahiri ka qenë njëri prej më të mirëve të Vushtrria në fitoren ndaj Llapit. Ai priti disa gjuajtje për t’i dhënë skuadrës së tij tri pikë.
Mbrojtja vjen me tre. Përparim Osmani asistoi tek goli i Drenicës dhe me plot meritë merr një vend në formacion.
Ahmet Haliti në qendër pas një paraqitje shumë të mirë ndaj Flamurtarit, ndërsa në të majtë Prince Balde.
Mesfusha
Mesfusha vjen më e ngjeshur me pesë mesfushorë. I fundit është Ledjon Muçajc që u paraqit mirë për Vushtrrinë.
Në krahë janë Meriton Korenica që shënoi gol dhe asistoi te Prishtina dhe Xhevdet Shabani që ishte ideator i fitores së Dritës.
Me mes Qemail Elshani dhe Engjëll Hoti që shënuan në fitoret e skuadrave të tyre.
Sulmi
Arb Manaj (Trepça ’89) dhe Blend Baftiu (Ballkani). Dyshja po tregojnë formë të lartë këtë edicion.
Manaj shënoi në fitoren e 89-shit, ndërsa Baftiu edhe një herë ishte lojtari kryesor i Ballkanit.
Trajner
Shpëtim Idrizi është trajneri i javës së 12-të. Ai fitoi si mysafir ndaj Gjilanit duke e ngjitur ekipin e tij në renditje dhe duke e rrëzuar Gjilanin nga froni. /Telegrafi/
Formacioni
