Flokët e ndritshëm lënë përshtypje

Dredhja e flokëve u jep atyre vëllim shtesë, efekt që e japin edhe flokët me ngjyrë më të çelët.

Pasi që t’i lani, flokët duhet t’i qitni në njërën anë dhe t’i shprishni me gishta. Për formësimin e tyre më e mira është brusha e rrumbullakët, ku me rastin e përdorimit të saj, flokët duhet të ndahen tufa-tufa nën një kënd prej 90 shkallësh dhe duhet krehur me brushë. Një procedurë e tillë e rrit vëllimin e flokëve nga rrënjët deri te majat, në vend se vetëm në maja, gjë që është karakteristike te tharja e rëndomtë e flokëve.

Për flokët e gjatësisë mesatare, më e mira është brusha e vogël, e rrumbullakët, kurse për flokët e gjatë, brusha e madhe. Brushat e rrumbullakëta flokëve u japin një vëllim dhe një stil të qëndrueshëm.

Flokët e drejtë duken të hollë, ku për një vëllim shtesë mjafton që t’i dridhni vetëm disa tufa flokësh. Një mënyrë tjetër, e lehtë për rritjen e vëllimit të flokëve, është ndarja e tyre. Ndryshimi i anës, në të cilën i ndani flokët aty për aty e rrit vëllimin e tyre.

Në mënyrë që flokët e rregulluar kështu të qëndrojnë sa më gjatë, llakun mos e qitni drejt në flokë, por në duar, e më pas fërkoni flokët. Ngjyrat më të ndritshme të flokëve, tufat me nuanca të verdha dhe të ngjyrave të tjera të çelëta, bëjnë që flokët të duken më të dendur dhe më të bukur. /Telegrafi/