Fizioterapia, si ndikon në rikuperimin fizik të pacientëve?

Fizioterapia është një profesion i kujdesit shëndetësor, ku përfshinë dhënien e shërbimeve në rrethana ku lëvizja dhe funksioni janë të kërcënuar nga plakja, lëndime, apo sëmundje të lindura.

Në një intervistë për Telegrafin, fizioterapeutja Bleona Delija foli kryesisht për lëndimet tek sportistët, duke thënë se lëndimet më të shpeshta tek sportistët janë lëndimet e gjurit.

“Lëndimet më të shpeshta me të cilat përballen sportistët janë lëndimet e gjurit, lëndimet e nyjave, supeve, dhe gjithashtu lëndimet e muskujve”, tha fillimisht Delija.

Delija po ashtu potencoi që fizioterapia është një faktor që ndikon që lëndimi i marrë të kalohet në një periudhë kohore sa më të shkurtë.

“Fizioterapia luan një rol shumë të rëndësishëm në procesin e rehabilitimit të lëndimeve, ajo ndihmon në reduktimin e dhimbjes, së inflamacionit, dhe gjithashtu bën edhe rritjen e forcës muskulare, si dhe rritjen e funksionalitetit, kështu që luan një rol të rëndësishëm për ri-kthimin në gjendjen e mëparshme”, tha Delija.

Më poshtë mund ta ndiqni intervistën e plotë me fizioterapeuten Bleona Delija. /Telegrafi/