Fis Juniku nis podkast të ri nga kjo e shtunë

Nga e Shtuna e ardhshme, publiku do të ketë mundësi të ndjekë një podkast të ri në platformën YouTube, të drejtuar nga ish-basketbollisti dhe njëherësh ish-banori i shtëpisë së Big Brother Kosova 1, Fis Juniku.

Juniku, lajmëroi fillimin e këtij projekti të ri përmes një postimi në llogarinë e tij zyrtare në Instagram.

Podkasti, i cili mban emrin “Shok Podcast”, pritet të ofrojë përmbajtje tërheqëse dhe bashkëbisedime me figura të njohura.

Duke ndarë një video promovuese në rrjete sociale, Juniku zbuloi se mysafirja e parë në podkastin e tij do të jetë Shota Baraliu, e cila si Fisi, ka qenë pjesë e edicionit të parë të Big Brother VIP Kosova.

Videoklipi  paralajmëron një rrëfim të sinqertë dhe të hapur nga Baraliu, e cila pritet të ndajë me dëgjuesit përvojat e saj të veçanta.

Duke qenë një platformë e njohur për shkëmbimin e ideve dhe diskutimet e thella, podkasti e ri i Fisit pritet të tërheqë një audiencë të gjerë të dëgjuesve të etur për biseda autentike dhe të pasura në përmbajtje. /Telegrafi/