Artistja e njohur shqiptare, Filloreta Raçi - Fifi, ka reaguar në rrjete sociale ndaj komenteve negative që ka marrë, kryesisht nga llogari false.
Ajo thekson se lëvizjet e saj nuk duhet të paragjykohen, pasi po punon tejet shumë me Egli Takon për t’a sjellë në skenë si artiste, ashtu siç e meriton.
Tutje bën me dije se kënga e re e saj do të lansohet ditën e nesërme (e hënë).
Kjo vjen pas një videoje që sollën ato në TikTok, teksa po bënin shaka si tashmë dy mikesha e bashkëpunëtore.
Për më shumë, ndiqni të plotë postimin e Fifit:
“Po shoh plot komente, plot zhgënjime. Plot adresa false që po paragjykojnë lëvizjet e mia si artiste, më saktësisht si producente.
Jemi duke punuar me Eglin që të bëjmë muzikë të mirë dhe me e sjell në skenë siç e meriton, si artiste...jo si influencere e as si TikTok-ere.
Nesër në ora 18:00 del projekti i ri “Jetë” i saj dhe shpresoj shumë mund ta kuptoni punën e madhe që kemi bërë si ekip.
Egli nuk ka vetëm një njeri mbrapa kuintave që po punon për të, po ka një ekip super gjigant me plot pasion për punë e muzikës.
Ju dua, Fifi”. /Telegrafi/
