Fiat 500X Blue Sky Edition pëson vetëm disa ndryshime të lehta (Foto)

Për të mbetur në treg, Fiat duhet të bëjë ndryshime rrënjësore dhe jo vetëm disa prekje të lehta

Prodhuesi italian Fiat, nuk ka nxjerrë në treg ndonjë veturë të re, ndërsa modeli i vjetër 500, ka shumë hapësira për ndryshim, transmeton Telegrafi.

Ndryshe prej tjerëve, kompania vetëm po nxjerrë edicione speciale të versioneve të tanishme, të cilat askush nuk po i kërkon.

Njëjtë ka vepruar edhe tani, me 2018 Fiat 500X Blye Sky Edition, që ka vetëm disa ndryshime të lehta.

Dritat e përparme automatike, llambat për mjegull dhe rrotat me 17 inch, janë të vetmet dallime në eksterier.

Për t’i dhënë pamje më serioze, janë mbuluar me krom kapakët e pasqyrave, dorezat, linjat metalike në pjesë të ndryshme dhe anësoret e rrotave.

Në enterier, vije në pah tavani me panel xhami, ndërsa pjesët tjera janë kozmetike si materiali i karrigeve dhe i pjesës së butonave, që kanë të njëjtën ngjyrë të kaltër.

I lansuar për herë të parë më 2015, Fiat 500X ka pasur vazhdimisht ngecje në shitje, gjë që pritet të ndodhë edhe në këtë edicion.

Por, njohësit e automobilizmit thonë se është veturë e këndshme në vozitje dhe mjaft ekonomike, ndërsa ka shpresa se 500X i ri, do të pësojë ndryshimet e pritshme. /Telegrafi/