Feronikeli kalon në çerekfinale të Kupës, deklason Dukagjinin në udhëtim

Feronikeli ka siguruar kalimin në çerekfinale të Kupës së Kosovës pasi ka fituar në udhëtim te Dukagjini i Klinës me rezultat të thellë 0-4.

Klubi nga Drenasi është treguar i fortë për ekipin e Ligës së Parë duke e mposhtur thellë në takimin e 1/8-tës në Kupën e Kosovës.

Pjesa e parë e ndeshjes u karakterizua me lojë të barabartë nga të dyja skuadrat, ku krijuan disa raste, por pa arritur të gjejnë golin.

Në pjesën e dytë ishin mysafirët nga Drenasi, të cilët arritën të dominojnë ndeshjen dhe të shënojnë plot katër gola.

Goli i parë i ndeshjes erdhi në minutën e parë të kësaj pjese dhe ishte Astrit Fazliu, i cili shënoi me kokë për 1-0.

Feronikeli golin e dytë e gjeti në minutën e 53-të të ndeshjes me anë të Albutrint Morinës që shënoi një gol të bukur për 2-0.

Për epësinë 3-0 u përkujdes Kastriot Rexha (57′), ndërsa Artur Magani (84′) vulosi fitoren dhe rezultatin përfundimtar të ndeshjes 4-0.

Me këtë fitore, Industrialistët kalojnë në çerekfinale të Kupës së Kosovës, ndërsa kundërshtarin do të mësojnë gjatë ditëve të ardhshme pas shortit. /Telegrafi/