Skuadra nga Drenasi, Feronikeli ka marrë edhe një fitore në elitën e futbollit kosovar derisa ka mposhtur KEK-un 4-0.
Feronikeli e nisi mirë ndeshjen dhe vetëm pas 12 minutave lojë gjeti golin e epërsisë.
Ishte mesfushori brazilian, Carioca Da Silva që shënoi lehtësisht për 1-0.
Vetëm tetë minuta më vonë, Nikli e dyfishoi epërsinë në këtë takim, ku realizues ishte Astrit Fazliu pas asistimit nga Da Silva.
Me epërsinë 2-0 të vendasve përfunduan edhe 45 minutat e para të kësaj sfide.
Skuadra e drejtuar nga Zekirija Ramadani e nisi mirë edhe pjesën e dytë duke shënuar gol.
Ishte sulmuesi i ardhur nga Liria e Prizrent, Artur Magani që realizoi në minutën e 48-të për 3-0.
Krejt në fund vendasit arritën edhe golin e katërt duke marrë tri pikë të mëdha në garën për titull të kampionit.
Pas kësaj fitore, Feronikeli vazhdon kryesimin në elitën e futbollit kosovar me 23 pikë të grumbulluara, derisa KEK-u mbetet i fundit me vetëm një pikë.
Në javën e 10-të, Feronikeli do të luaj derbin ndaj Prishtinës në Drenas, ndërsa KEK-u do të jetë nikoqir i Ferizajt. /Telegrafi/
