Ferguson zgjedh dy yjet që Man Utd duhet të mbajë me çdo kusht këtë verë

Trajneri legjenda, Sir Alex Ferguson ka zgjedhur dy lojtarët që Manchester United duhet të mbajë me çdo kusht në klub.

Skocezi do të hyjë në histori si njëri trajnerët më të mirë që ka pasur ndonjëherë në sportin e futbollit.

Gjatë gjithë kohës së tij 27-vjeçare si trajner i United , Ferguson ndryshoi plotësisht fatin e klubit, duke i çuar ata në 13 tituj të Ligës Premier dhe dy Liga të Kampionëve ndër arritjet e tjera.

Duke folur së fundmi me yllin e TikTok, Jamal Niaz , Ferguson u pyet për ndikimin që kanë pasur të rinjtë Alejandro Garnacho dhe Kobbie Mainoo.

Dyshja bëri përshtypje gjatë një sezoni të vështirë për ekipin e Erik ten Hag, të dy shënuan në fitoren në finale të FA Cup ndaj Manchester City.

“Është themeli apo jo?. Është zemra dhe shpirti i asaj që ka qenë Manchester United që nga ditët e Sir Matt Busby, i cili filloi të gjithë procesin e besimit të lojtarëve të rinj duke luajtur”, ka thënë fillimisht Ferguson.

Lexo po ashtu Ferguson apo Guardiola? Rooney zgjidh debatin se cili është trajneri më i mirë i të gjitha kohërave

“Ata janë të rinj. Ajo që ata po tregojnë për momentin, qetësinë dhe besimin për të luajtur në ekipin e parë dhe për të mos u trembur nga kjo”.

“Në një farë mënyre, kjo ju tregon llojin e guximit që ata kanë. Është një dallim në qeniet njerëzore, disa kanë vullnetin të jenë të tillë [të patrembur në moshë të re]”, përfundoi skocezi. /Telegrafi/