Femrat zgjedhin kandidatin potencial sipas këpucëve

Femrat kandidatët eventualë i vlerësojnë edhe në bazë të asaj se sa kujdesen për higjienën

Kur sheh se çfarë këpucësh bart, femra menjëherë e di a është mashkulli partner potencial i saj. Kjo “imtësi” është jashtëzakonisht e rëndësishme në zgjedhjen e të dashurit – ka treguar një hulumtim i shkencëtarëve nga Clevelandi, transmeton Telegrafi.

Ekspertët kanë konkluduar që damat i kushtojnë kujdes këpucëve të mashkullit, duke konkluduar në bazë të tyre mbi karakterin, aftësitë dhe prestigjin e mashkullit.

Veç kësaj, femrat partnerin eventual vlerësojnë edhe në bazë të asaj se sa kujdes i kushtojnë higjienës. Nëse vërejnë t’i kenë thonjtë të parregulluar, flokët të yndyrshme apo dhëmbë të prishur, është më se e sigurt që vetëm do t’ia kthejnë shpinën dhe do të largohen.

Damave nuk mund të mos interesohet edhe shoqërinë në të cilën kandidati potencial është gjendur mbrëmjen e parë kur janë njohur.

Hulumtimi ka treguar që shoqëria mund të ketë rolin kryesor, sepse vajzat udhëhiqen me maksimën “më thuaj me kë shoqërohesh, të të tregoj kush je”. Vlerësohen mirë meshkujt të cilët janë të rrethuar me miq të bukur, të kuruar, spirituozë dhe të veshur me shije.

Në listën e këtyre konkluzioneve është gjendur edhe – qëndrimi. Kur njohin djaloshin dhe shohin që ka mendimin vetjak, e mbron mirë me argumente, jo në mënyrë agresive, femrat tregojnë më shumë interesim për vazhdim të komunikimit. /Telegrafi/