Fati i Sallës Universale, ministrja e Kulturës: Do të takohemi me Arsovskën pas festave

Ministrja e Kulturës Bisera Kostadinovska-Stojçevska apelon të zgjidhet statusi i Sallës Universale në Shkup dhe paralajmëroi se pas festave do të iniciojë takim të ri me kryetaren e Shkupit Danella Arsovska.

Në konferencën e sotme për shtyp në Qeveri, ministrja Kostadinovska-Stojçevska theksoi se deri më sot nuk kanë marrë informacione nga Qyteti i Shkupit për shtrirjen e aktiviteteve rreth Sallës Universale.

“Më duhet të apeloj dhe të përkujtoj se Qyteti i Shkupit ka hyrë në listën e ngushtë për Qytet evropian të kulturës në vitin 2028. Meqenëse në atë konkurs si aplikant paraqitet Salla Universale, apeloj dhe do të inicioj një takim të ri me kryetaren Danella Arsovska, sepse duhet të punojmë së bashku (Qyteti i Shkupit dhe Ministria e Kulturës) në atë program që është me interes kombëtar”, tha Kostadinovska-Stojçevska, duke iu përgjigjur pyetjes së gazetarëve.

Ministrja theksoi se Qeveria është e gatshme me të gjitha resurset që ta zbatojë këtë aplikacion, sepse është çështje e interesit kombëtar.