Fat në fatkeqësi – disa nga njerëzit që u shpëtuan pasi qëndruan nën rrënoja për më shumë se 20 orë, pas tërmetit shkatërrues në Turqi

Operacionet e shpëtimit pas një prej tërmeteve më vdekjeprurëse në historinë moderne turke vazhdojnë me ritëm të plotë, me qindra ekipe mjekësore dhe koordinuese të fatkeqësive të dërguara në provincat juglindore të Hatay, Şanlıurfa, Kahramanmaraş, Adiyaman dhe Malatya.

Aksioni i tyre vjen pasi dy tërmete tronditën Turqinë të hënën në orën 4:17 të mëngjesit dhe 13:24 pasdite.

Nga këto tërmete, sipas raportimeve të fundit, kanë mbetur mbi 5 mijë të vdekur dhe mijëra të tjerë të lënduar, ndërsa numri i ndërtesave të shembura ishte 5,775 të martën në mëngjes, përcjell Telegrafi.

Lexo po ashtu Si dukeshin këto vende, para dhe pas fatkeqësisë – imazhe që zbulojnë shkatërrimet e tërmetit në Turqi

Drejtoria e Përgjithshme e Autoritetit Turk për Fatkeqësi dhe Menaxhimi (AFAD) vuri në dukje se raportet për ndërtesat e shembura janë mbi 11 mijë, duke shtuar se numri mund të rritet, pasi operacionet e shpëtimit janë duke u zhvilluar.

Dhe pavarësisht kushteve të pafavorshme të motit në rajon, përpjekjet e kërkim-shpëtimit vazhduan intensivisht gjatë gjithë natës, ku disa persona u shpëtuan nga rrënojat.

Në këtë drejtim, “Daily Sabah” ka sjellë disa raste të tilla.

🙏🏻Malatya'da, 5 katlı bir apartmanın yıkılan enkazı altında kalan 3 yaşındaki Miran Tekeş ile 26 yaşındaki Abdullah Uraz Sivas itfaiye ekipleri tarafından yapılan çalışmalar neticesinde 22 saat sonra enkaz altından sağ kurtarıldılar https://t.co/4yzs5pE0a1#deprem #Malatya pic.twitter.com/SZ0R4g4aqq

— Akşam Gazetesi (@Aksam) February 7, 2023

Rümeysa Yalçınkaya, 24 vjeçe, u shpëtua 27 orë pas tërmetit nga rrënojat e pallatit shtatëkatësh “Anadolu” në Kahramanmaraş.

Puna e kërkim-shpëtimit në pallat filloi mbrëmjen e së hënës pasi u dëgjuan britma pranë banesës ku u shkatërruan shumë ndërtesa.

Kahramanmaraş’ta Trabzon Caddesi’nde yıkılan 7 katlı Anadolu Apartmanı enkazından 27 saat sonra Rümeysa Yalçınkaya kurtarıldı https://t.co/qOQEA5B332 pic.twitter.com/27NhPzo293

— Anadolu Ajansı (@anadoluajansi) February 7, 2023

Pas rreth 11 orësh punë, Rümeysa Yalçınkaya u shpëtua nga rrënojat 27 orë pas tërmetit. Yalnıçkaya, i cili është në gjendje të mirë shëndetësore, është dërguar në spital për kontroll.

Veç saj, katër qytetarë të tjerë, një nënë dhe tre fëmijët e saj u nxorën nga rrënojat e një ndërtese të shkatërruar në lagjen Nizip të Gaziantepit 28 orë më vonë – me lëndime.

Lexo po ashtu Tërmeti shkatërrues, një foshnjë e porsalindur nxirret nga rrënojat e shtëpisë në Siri, por vdes nëna e tij

Döne Özkılıç dhe fëmijët e saj Abdulkadir, Beyza dhe Elif Özkılıç u dërguan në spital nga ekipet lokale shëndetësore.

Gjithashtu tre-vjeçari Miran Tekeş dhe 26-vjeçari Abdullah Uraz Sivas, të cilët mbetën të ngecur nën rrënojat e një pallati pesëkatësh në lagjen Çavuşoğlu të qendrës së qytetit Malatya, u shpëtuan nga rrënojat 22 orë më vonë nga zjarrfikësit.

Kahramanmaraş merkezli yaşanan 7,7 ve 7,6 büyüklüğündeki depremler sonrasında Malatya'da yıkılan bir binanın altında kalan 3 yaşındaki Miran Tekeş, 22 saat sonra enkazdan sağ kurtuldu. pic.twitter.com/nhCXBRglay

— olay53 (@olay53rize) February 7, 2023

Miran i vogël dhe Sivas u dërguan në Spitalin Arsimor dhe Kërkimor të Malatya për trajtim pas ndërhyrjes së parë të ekipeve mjekësore.

Në shumë operacione të vazhdueshme shpëtimi në Kahramanmaraş dhe Gaziantep, ekipet e shpëtimit po punojnë gjatë gjithë kohës për të shpëtuar sa më shumë jetë të jetë e mundur.

Në mënyrë të ngjashme, një person i quajtur Filiz Çoşar u shpëtua nga rrënojat dhe u dërgua në spital afërsisht 20 orë pasi ndërtesa nëntëkatëshe ku po qëndronte në Adiyaman u rrëzua.

Ndërkohë, 16-vjeçarja Aysun Yılmaz u shpëtua 29 orë më vonë, nga rrënojat e banesës gjashtëkatëshe në Gaziantep. /Telegrafi/