Faktorët e mënyrës së jetesës dhe plakja e lëkurës

Studimi i binjakeve në SHBA ka zbuluar se gratë e shkurorëzuara duken mesatarisht për 1.7 vite më të vjetra se sa motrat e tyre të martuara ose beqare – ndërsa që ndryshimet munden të bëhen në mënyrë jashtëzakonisht të shpejtë.

Pas 9 viteve studimi të grave të grup moshës 40-45 vjeçare në Britani të Madhe, kirurgu plastik Ragiv Grover ka ardhur në përfundim se stresi mund ta plak lëkurën deri në 35 % të rasteve – shtatë deri tetë vite – vetëm për 12 muaj. Faktorët e mënyrës së të jetuarit që sipas të gjitha gjasave e aktivizojnë procesin e plakjes janë të ashtuquajturat “pesëshja e madhe” (zija familjare, ndryshimi i vendit të punës, zhvendosja nga shtëpia, martesa dhe divorci), shumë shpesh si pasojë e humbjes rapide të peshës që këto i shkaktojnë.

‘Yndyra humb nga fytyra me ritme të ndryshme – mollëzat e humbin masën më së pari, gjë që rezulton me fytyrë të varur,’ sqaron Ragiv. Pas të dyzetave shpesh është vështirë ti kthejmë faqet e plota edhe nëse pesha kthehet, shton ai.

Por, a mundëm së paku ta kufizojmë dëmtimin? Antidepresivët e largojnë ndjenjën depresive, por hulumtimet në SHBA tregojnë se disa nga ato mund ti dobësojnë muskujt e syve duke e dhënë shprehjen edhe më të varur të fytyrës. Në vend të tyre mjekët çdo herë e më shumë po e rekomandojnë joga-n për ndërtimin e një mëndje të qetë dhe lëkure që rrezaton gëzim. /Telegrafi/