Facebook u kurorëzua ‘Kompania më e keqe e 2021’, sipas një sondazhi të Yahoo Finance

Facebook, e njohur ndryshe si Meta, është kurorëzuar si “kompania më e keqe e vitit”, pas 12 muajsh të trazuar polemikash, reagimesh publike dhe një riemërtim të gjigantit të mediave sociale, sipas një sondazhi të kryer nga Yahoo Finance.

Yahoo Finance çdo vit kurorëzon kompaninë më të mirë të vitit, me Microsoft që zë vendin e parë për vitin 2021.

Sidoqoftë, këtë vit, Yahoo Finance bëri gjithashtu një sfidë të “kompanisë më të keqe të vitit”, me Facebook, i njohur tani si Meta, duke zënë shpejt vendin e parë, shkruan MacRumors, përcjell Telegrafi.

Sipas sondazhit, i cili anketoi mbi 1000 individë, Facebook mori 50% më shumë vota për “vendin e parë” në krahasim me Alibaba, një platformë kineze e tregtisë elektronike.

Të anketuarit kanë një “një mori ankesash” ndaj Facebook, duke përfshirë, por pa u kufizuar në shqetësimet mbi censurën, raportet për ndikimin e Instagramit në shëndetin mendor dhe privatësinë.

Ndërsa rezultatet e sondazhit janë të zymta dhe jo në favor të kompanisë, 30% e pjesëmarrësve u përgjigjën pozitivisht nëse Facebook mund të “shlyente veten”.

Ndryshe, Facebook, mes skandaleve, u riemërua në “Meta”, duke shënuar fillimin e një drejtimi të ri për kompaninë, sipas themeluesit dhe CEO Mark Zuckerberg.

Emri i ri synohet të jetë më në përputhje me qëllimin për të ndërtuar një “Metaverse”, një botë tërësisht dixhitale.

Riemërtimi u pa gjerësisht si një përpjekje për të hequr vëmendjen nga “vështrimi hetues”, dhe sipas disa pjesëmarrësve në sondazh, kjo funksionoi.

Facebook ka qenë prej kohësh i përfshirë në shqetësime publike për privatësinë e përdoruesve të tij. /Telegrafi/