Eurozonë, rritet inflacionin

Çmimet e konsumit në Eurozonë u rritën lehtë për tetorin ashtu si ç’pritej, si pasojë e shërbimeve më të shtrenjta dhe rënies më të vogël në çmimet e energjisë, tregojnë të dhënat e Eurostat.

Zyra e Statistikave e Bashkimit Europian komfirmoi vlerësimin e mëparshëm të inflacionit në 0.5 për qind për Tetorin, në rritje nga 0.4 për qind që ishte në Shtator dhe 0.2 për qind në Gusht. Trendi i rritjes në indeks erdhi nga rritja e çmimeve në restorante dhe kafe, që i shtuan 0.07 për qind shifrës finale dhe qerave më të larta, që shtuan 0.04 për qind.

Perimet më të lira dhe rënia e çmimeve të gazit i hoqën 0.06 dhe 0.12 pikë përqindjeje në mënyrë respective shifrës vjetore për tetorin. Në total, çmimet e shërbimeve në 19 vendet e Eurozonës u rritën me 1.1 për qind me bazë vjetore për tetorin.

Duke përjashtuar komponentët e luhatur si ushqimi i papërpunuar dhe energjia, inflacioni shënoi 0.1 për qind me bazë mujore dhe 0.7 për qind me bazë vjetore. Në Tetor 2016, norma negative vjetore u regjistruan në 6 vende anëtare.

Norma më e ulët vjetore u regjistrua në Bullgari dhe Qipro, të dy vendet në -1 për qind. Normat më të larta vjetore rezultuan në Belgjikë dhe Austri, respektivisht me 1.9 dhe 1.4 për qind.

Banka Qendrore Europiane synon ta mbajë inflacionin afër 2 për qind-ëshit në terma afat-mesëm dhe po blen tituj borxhi të qeverive të Eurozonës në tregun sekondar për të injektuar para në sistemin bankar, në mënyrë që bankat të japin më shumë hua drejt ekonomisë reale për të nxitur çmimet. /Telegrafi/