ESM ka gaz për ngrohje termike në qytetin e Shkupit vetëm për 15 ditë, vijojnë negociatat me termocentralin TE-TO

ESM ka blerë gaz vetëm për 15 ditët e para nga fillimi i sezonit të ngrohjes.

Kanë blerë 4 milionë metër kub gaz nga Makpetrol dhe kanë paguar rreth 6.8 milionë euro, pra 1713 euro për 1000 metër kub gazi.

“Për pjesën tjetër të sezonit të ngrohjes, koncepti i ngrohjes, gjegjësisht energjisë, do të përcaktohet në varësi të faktit nëse dhe në çfarë regjimi do të funksionojë termocentrali me gaz TE-TO, i cili si nënprodukt i prodhimit të energjisë elektrike furnizon me ngrohje Sistemi i ngrohjes në Shkup.”, thonë nga ESM.

Negociatat për marrjen e TE-TO janë ende në vazhdim.

Nuk ka asnjë rezultat as nga bisedimet për furnizimin e gazit nga Serbia, të cilat më së shumti u përmend nga Qeveria pas mini-turit rajonal.

Ndërsa negociatat janë në pritje, alternativa e vetme për kompanitë është të shfrytëzojnë rezervat e naftës.

Njeriu i parë i Shkupit-Veri, Kushtrim Ramadani, apelon që sa më shpejt të votohen ndryshimet në Ligjin për rezervat e detyrueshme, me të cilat do të lirohet 50% e energjisë nga depot e brendshme.

“Ne kemi një përfaqësues në Komisionin për trajtimin e krizës termike dhe presim nga ata një drejtim se në çfarë të orientohemi sepse ka pasur diskutime që Drejtoria e Rezervave të Detyrueshme të Naftës të na japë një pjesë të rezervave të tyre për nevojat e impiantet e ngrohjes. Por siç e di, ligji duhet të kalojë në Kuvend sepse me ligjin ekzistues nuk mund të na japin sasi.” deklaroi Kushtrim Ramadani, drejtor i “Shkup – Veri SHA”.

Sipas të dhënave të vitit 2021, vendi ka më së shumti naftë, 105 milionë litra, pastaj 31 milionë litra benzinë.

Qytetarët frikësohen se nëse ky skenar realizohet, ndotja do të thyejë sërish rekorde.