“Është si karburant raketash”, Lance Armstrong zbulon se si mashtroi testin e dopingut plotë 500 herë

Çiklisti legjendar, Lance Armstrong është një nga sportistët më të mëdhenj në histori, por dhjetë vjet më parë ai pranoi se kishte përdorur doping.

Nga viti 1999 deri në 2005, amerikani fitoi shtatë herë Tour de France, garën më të vështirë të çiklizmit në botë.

Gjatë karrierës së tij, ai kurrë nuk dështoi në testet e dopingut, dhe tani ai ka treguar në podcastin Club Random për mënyrën se si ai mashtroi me testet.

“Jam testuar 500 herë dhe nuk kam dështuar kurrë. Kjo nuk është një gënjeshtër, kjo është e vërteta”, ka thënë fillimisht Armstrong.

“Nuk i kam shmangur kurrë kontrollet e dopingut, ishte e pamundur. Sa herë shkoja për provim dhe sa herë kaloja. Disa nga substancat që përdorja, veçanërisht ato që përmirësonin më shumë performancën, qëndruan në trup për një kohë të shkurtër”.

“Njerëzit që marrin steroide anabolike kanë të njëjtin problem si ata që konsumojnë marihuanë. Për shembull, mund të pini një ‘joint’, dhe pas dy javësh do të keni një test pozitiv për marihuanën, sepse ajo qëndron më gjatë në trup”.

“Kam përdorur EPO, një version sintetik i hormonit eritropoietin, i cili ishte si karburanti i raketës dhe ishte i vështirë për t’u zbuluar, sepse qëndronte në trup për një kohë të shkurtër”.

“Ai qëndron në trup për katër orë pas marrjes së tij, kështu që është e lehtë të llogaritet se sa kohë duhet të merret para garës në mënyrë që të zbulohet pas përfundimit të garës. Ndryshoi jo vetëm çiklizmin por edhe sportet ku duhet forca dhe qëndrueshmëria. EPO, së bashku me shumë substanca të tjera, u ndaluan pas vitit 2013”, përfundoi çiklisti amerikan. /Telegrafi/