“Është një barrë e madhe për ne”, Pedri tregon problemin më të madh të Barçës këtë sezon

Mesfushori i Barcelonës, Pedri ka treguar problemin kryesor të skuadrës këtë sezon, i cili sipas tij është pranimi i golave, sidomos atyre të hershëm.

Barcelona u mposht në vazhdime me rezultat 4-2 nga Athletic Bilbao në çerekfinale të Copa del Rey, duke u eliminuar nga gara e dytë brenda 10 ditësh.

“Ne po pranojmë shumë gola këtë sezon”, ka thënë fillimisht Pedri për mediat pas eliminimit nga Copa del Rey.

Lexo po ashtu Vëllezërit Williams nokautojnë Barcelonën e Xavit, baskët më të mirë pas 120 minutave

“Duhet të përmirësojmë fillimin e ndeshjeve. Është një barrë e madhe për ne. Ne gjithmonë e fillojmë me një gol të hershëm”.

“Ne donim ta fitonim këtë titull. E kishim në mendje, por nuk mund ta bënim”.

“Dështuam. Tani duhet të luftojmë për La Ligën dhe Ligën e Kampionëve”, përfundoi mesfushori spanjoll.

Lexo po ashtu Xavi thotë se do të largohet nga Barcelona në fund të sezonit, por vetëm me një kusht

Pedri ka plotësisht të drejtë. Barcelona nuk ka arritur të regjistrojë ndeshje pa pranuar gol në 20 nga 32 ndeshjet që ka luajtur këtë sezon.

Blaugranët pranojnë mesatarisht 1.2 gola për ndeshje duke pranuar 41 gola deri më tani këtë sezon. Është një shifër alarmante për çdo ekip që dëshiron të fitojë tituj.

Barça e filloi sezonin me besim në garën për katër tituj, por ata janë eliminuar nga dy dhe do të duhej një përpjekje masive për të shmangur të njëjtin fat në Ligën e Kampionëve. /Telegrafi/