“Është koha që unë të largohem”, Ronaldo kërkon përfundimisht largimin nga Man Utd

Në një nga historitë më të mëdha të transferimeve të afatit kalimtar deri më tani, Cristiano Ronaldo ka kërkuar që të lejohet të largohet nga Manchester United nëse klubi i Ligës Premier merr një ‘ofertë të kënaqshme’ në javët e ardhshme.

Sipas një raporti nga The Times, vendimi i pesë herë fituesit të Topit të Artë është nxitur nga dëshira për të luajtur në Ligën e Kampionëve për pjesën e mbetur të karrierës së tij.

Në fakt, Ronaldo, 37 vjeç, beson se i kanë mbetur edhe ‘tre apo katër vjet’ në nivelin më të lartë.

? EXCLUSIVE: Cristiano Ronaldo has asked to be allowed to leave Manchester United should the Premier League club receive a satisfactory offer in the transfer window https://t.co/yx8POGB5M4

— Times Sport (@TimesSport) July 2, 2022

Me sulmuesin me përvojë që po shkon në vitin e fundit të marrëveshjes së tij aktuale me Unitedin, e ardhmja e tij në Old Trafford ka qenë nën spekulime intensive kohët e fundit.

Muajin e kaluar, agjenti i sulmuesit thuhet se ka pasur diskutime mbi një transferim të mundshëm me pronarin e Chelseat, Todd Boehly.

Lexo po ashtu Pronari i Chelseat takohet me Jorge Mendesin për të projektuar transferimin e Ronaldos

Sipas mediumit The Athletic, Boehly u takua me Jorge  Mendes në Portugali dhe ideja që Ronaldo të bënte një lëvizje në Stamford Bridge këtë verë ishte ndër temat e bisedës gjatë takimit.

Unitedi po ‘pret’ që ish-sulmuesi i Real Madridit dhe Juventusit të qëndrojë, por këto raporte të fundit mund të sugjerojnë ndryshe. /Telegrafi/