Sapo është arritur marrëveshje për tërheqjen e vendimit për ndërtimin e kryqit në Butel, me këtë edhe kampi i vendosur ka filluar të çmontohet, njofton Alsat M.

Ndërkohë gazetari ynë nga tereni njofton se  OSBE-ja ka qenë ndërmjetësuese për arritjen e marrëveshjes. Ndryshe palët janë marre vesh që në vendin e paraparë për kryqin të ndërtohet një park i tolerancës ku do të ketë simbole të BE-se, diçka që nuk do të ofendoje ndjenjat e banoreve të Butelit.

“Ju falendorojmë që iu përgjigjët thirrjes sonë, u ballafaquam me situata të vështira, Ishim bashkë deri në këtë momente të vështira, por ky mund i joni nuk ishte i kotë, qëllimi u arrit. Megjithatë për detajet e marrëveshjes do ju njoftojmë nëpërmjet mediave nesër. Unë me kaq ju falënderoj, tani është mirë të shkoni dhe të pushoni rahat. Ndërsa ne që jijmë nga këtu afër, Buteli dhe  Çairi, do të qëndrojmë  edhe pak që ta demontojmë këtë kamp, që ta lëmë këtë hapësirë ashtu siç e kemi gjetur”, – deklaroi Izet Mexhiti, nënkryetar i BDI-së.  /Telegrafi/