Aleancës për Ardhmërinë e Kosovës, këto ditë iu largua një person, i cili kishte plot 13 vjet ishte pjesë e kësaj strukture: Donika Kadaj-Bujupi papritmas vendosi të ndahet nga AAK-ja.
Në të njëjtën mënyrë kishin vepruar edhe shumë të tjera të njohura, të cilat para shumë vitesh kishin nisur ta braktisnin partinë e Ramush Haradinajt.
GazetaBlic ua sjell një përmbledhje të këtyre emrave, arsyet dhe mënyrat e largimit të tyre.
Bajram Kosumi
Një ndër figurat më të rëndësishme që e braktisën Aleancën për Ardhmërinë e Kosovës, qe ish-kryeministri i vendit nga radhët e kësaj partie, Bajram Kosumi.
Ndonëse Kosumi ishte njëri ndër themeluesit e AAK-së, pas largimit të tij nga partia, AAK-ja e pati marrë shumë “qetë” largimin e tij. Së paku kështu qe shprehur përmes një deklarate partiake, në të cilën thuhej se vendimi i Kosumit nuk paraqiste ndonjë rrezik për partinë. Mirëpo, pas tij, i cili në vitin 2010 u përshëndet me partinë e Ramush Haradinajt, nisën të largohen shumë figura tjera.
Bujar Dugolli
Nuk shkoi shumë dhe AAK-ja humbi edhe një figurë kyçe të partisë. Bujar Dugolli, njëri ndër themeluesit e partisë së lartcekur, ish-ministër i Tregtisë dhe Industrisë, u largua nga AAK-ja para afro gjashtë vitesh.
Këshilli Drejtues i AAK-së me shumicë votash e pati liruar atë nga të gjitha përgjegjësitë atë.
Pas vendimit në fjalë, nëpërmjet një deklarate pati reaguar edhe Dugolli. Ai pati thënë se ndiente keqardhje për Ramush Haradinajn dhe për vetë partinë, pjesë e së cilën ishte për një kohë.
Ai po ashtu pati thënë se AAK-ja, në vend se të zgjidhte dialog, zgjodhi një veprim totalitar.
Agim Çeku
Menjëherë pas dorëheqjes së ish-kryeministrit të Kosovës, Bajram Kosumi, AAK-ja e pati emëruar Agim Çekun si kandidat për ta zëvendësuar Kosumin, i cili pas një kohë të shkurtër erdhi në postin e të parit të ekzekutivit. Mirëpo, sikurse figurave të mësipërme, as Çekut nuk i shkoi gjatë me AAK-në.
Mandati i Çekut për postin e kryeministrit pati përfunduar pak para shpalljes së pavarësisë së Kosovës, gjegjësisht në vitin 2007. Kurse, më pas, ai qe larguar përfundimisht nga AAK-ja, duke u vendosur kështu në Partinë Demokratike të Kosovës.
Ethem Çeku
Edhe një person mjaft me ndikim në AAK, para afro tri vitesh pati vendosur t’i thoshte “lamtumirë” partisë së Haradinajt. Ethem Çeku më 2013 dha dorëheqje nga të gjitha funksionet partiake në AAK.
Kadri Kryeziu
Ish-anëtar i kryesisë së AAK-së, e po ashtu edhe ish-zëvendësministër i Tregëtisë dhe Industrisë në kohën kur Bujar Dugolli ishte ministër nga AAK-ja, Kadri Kryeziu, ishte larguar nga AAK-ja shumë vite më parë. Në vitin 2009, pas plot nëntë vitesh pune në AAK, kishte dalë nga partia e Haradinajt, ndërsa më pas qe parë shumë shpesh në tubime me PDK-në.
Blerim Shala
Ish-koordinatator politik i palës kosovare në bisedimet Kosovë- Serbi, Blerim Shala, pati thënë se nga AAK-ja qe larguar pas një bisede që kishte pasur me Ramush Haradinajn. Kjo partiatë kohë pati dalë me një njoftim në të cilin thoshte se e lironte Shalën, pasi ky i fundit donte të ishte pjesë e bisedimeve në Bruksel.
Menjëherë pas kësaj, pati reaguar edhe vetë Shala.
Melihate Tërmkolli
Dorëheqja e Blerim Shalës, si duket i parapriu dorëheqjes së ish-deputetes së AAK-së, Melihate Tërmkolli. Vetëm pak ditë pasi Shala u largua nga Aleanca, në shkurt të vitit 2015, dorëheqje dha edhe Tërmkolli, e cila menjëherë pas kësaj, vendosi t’i kthehej LDK-së, partisë ku edhe kishte nisur rrugëtimin e saj politik.
Naim Maloku
Edhe Naim Maloku, pjesëtar i AAK-së një kohë, para rreth pesë vitesh i kishte ndarë përfundimisht rrugët me partinë e Ramush Haradinajt. Maloku pati dhënë dorëheqje të parevokushme.
Ernest Luma
Gjatë vitit 2015, pos Blerim Shalës e Melihate Tërmkollit, nga AAK-ja qe larguar edhe ish-anëtari i kësaj partie, Ernest Luma. Mirëpo, largimi i tij dallon me çështjen e dy të parëve. Kjo pati ndodhur pasi Luma pati fyer një pjesë të myslimanëve, të cilët kishin vendosur të shkonin ta kryenin një rit fetar – në haxh.
Donika Kadaj-Bujupi
Largimet e dorëheqjet nga AAK-ja si duket u “kurorëzuan” me dorëheqjen e ish-deputetes më të zëshme të kësaj partie, Donika Kadaj-Bujupi. Para dy dite, Kadaj-Bujupi kishte marrë një vendim që nuk ishte pritur, jo vetëm nga qytetarët, por as edhe nga vetë bashkëpunëtorët e saj të afërt. Ajo deklaroi se dha dorëheqje, për arsye të disa vendimeve të njëanshme, siç ajo i quajti, të cilat sipas saj nuk po lejojnë të krijohen opsione për ndryshim.
Pak pas këtij vendimi, reagoi edhe AAK-ja dhe vetë kryetari i kësaj partie, i cili tha se dorëheqja e Kadaj-Bujupit kishte ardhur në mënyrë krejt të befasishme. /GazetaBlic/
Lufta Prigozhin - Putin
Më shumëNga Rubrika
LSDM: Kjo Qeveri për 100 ditë ka prodhuar më shumë skandale se çdo Qeveri tjetër
Dogji me benzinë bashkëshorten, Bledar Trëndafili shfaqet i penduar në gjyq
Ministria e Bujqësisë në Shqipëri: Prej kohësh kemi ndaluar importet e mishit të derrit nga Brazili
Plagosje me armë zjarri në Mitrovicë
Ambasadori gjerman dhe ai britanik shijojnë bukuritë natyrore të Kosovës
Kurti kërkon nga Perëndimi t’i ndërpriten ndihmat Serbisë dhe kthimin e zonës së sigurisë kufitare
Hoti: S'ka hapësirë bashkëpunimi me LVV-në, nëse nuk fitojmë do të qëndrojmë në opozitë
Kurti tha se liberalizimi i vizave nuk e ka rritur migrimin, reagon Haradinaj
IHMK publikon të dhënat mbi sasinë e reshjeve të fundit të shiut, njofton se cikloni "Kasandra" është në dobësim
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri