Emiri i Katarit: Është mirë që njerëzit ndajnë dhe festojnë diversitetin dhe atë që i bashkon

Me një ceremoni spektakolare është bërë hapja e Kampionatit Botëror të vitit 2022 që zhvillohet në Katar.

Plot 28 ditë do të sjellin ndeshje të shumëpritura, ku 32 dy shtete ë luftojnë për ta rrëmbyer trofeun më të rëndësishëm në futboll.

Emiri i Katarit, Sheikh Tamim bin Hamad al-Thani, tha se vendi i tij ka punuar shumë për organizimin e kësaj ngjarjeje madhore dhe se janë bërë të gjitha përpjekje për të mirën e njerëzimit – transmeton KosovaPress.

“Ne organizojmë Kampionatin Botëror. Kemi punuar shumë për të organizuar një turne të suksesshëm. Kemi bërë të gjitha përpjekjet tona për të mirën e njerëzimit. Më në fund, ka ardhur dita e hapjes, të cilën të gjithë e kemi pritur”, është shprehur emiri.

Ai më tutje ka uruar që të gjitha ekipet pjesëmarrëse të zhvillojnë futboll të mrekullueshëm, ndërsa ka thënë se është mirë që njerëzit ndajnë dhe festojnë diversitetin dhe atë që i bashkon.

“Për 28 ditët e ardhshme ne do të ndjekim festivalin e madh të futbollit në një mjedis komunikimi njerëzor dhe qytetar. Njerëz nga shumë vende të ndryshme do të vijnë në Katar. Është mirë që njerëzit ndajnë dhe festojnë diversitetin dhe atë që i bashkon.

“Uroj që të gjitha ekipet të luajnë futboll të mrekullueshëm, për të jetuar një kohë plot gëzim dhe emocion. Ditë që mund të frymëzojnë mirësi dhe shpresë. Mirë se vini dhe fat të gjithëve”, ka theksuar në fund

Botërori i vitit 2022 ka nisur me ndeshjen ndërmjet nikoqirit Katar dhe përfaqësueses së Ekuadorit në stadiumin Al Bayt në Al Khor.