Emily Ratajkowski u rikthye në Instagram të dielën pas një pauze disa javore për të zbuluar veshjen e saj mbresëlënëse të Vitit të Ri, e cila përfshinte flokët e saj të prera në balluke të hapura dhe një stil interesant veshjesh.
Ajo kishte veshur një bluzë argjendi mahnitëse me fije të gjatë deri në dysheme, së bashku me pantallona të zeza dhe aksesorë të shkëlqyeshëm për të kompletuar pamjen.
"O Zot", komentoi Bella Thorne, ndërsa ylli i "Queer Eye" Tan France shkroi, "Uau. Uau. Uau".
Foto: Instagram
Kjo nuk është hera e parë që modelja 30-vjeçare ndërron flokët. Në qershor 2020, Ratajkowski bëri një ndryshim dramatik duke i lyer flokët e saj kafe në bionde platin në partneritet me markën e kujdesit për flokët Kérastase.
Transformimi ishte jetëshkurtër, megjithatë, pasi ajo iu rikthye flokëve brune një muaj më vonë, ndërsa ishte shtatzënë me djalin e saj, Sylvester.
Foto: Instagram
Ratajkowski e pranoi mungesën e saj nga mediat sociale, duke thënë se ishte e zënë "duke qenë nënë dhe duke punuar".
Sylvester është fëmija i parë i Ratajkowski me bashkëshortin e saj, Sebastian Bear-McClard, me të cilin u martua në shkurt 2018 pas një romance të stuhishme. /Telegrafi/
