Emily Ratajkowski nxjerr në pah barkun e saj të tonifikuar në një shëtitje me djalin e saj në New York

Me një bluzë të zezë dhe pantallona sportive të ngjashme, Emily Ratajkowski, 32 vjeçe, doli për një shëtitje pasdite me djalin e saj 2-vjeçar Sylvester, ndërsa ishte në New York të dielën.

Modelja ka nxjerrë në pah një jakë të zezë të prerë dhe pantallona sportive të zeza të gjera, teksa qëndroi ngrohtë me një pulovër të së njëjtës ngjyrë, duke i mbajtur flokët e saj ngjyrë kafe gështenjë të lidhur në një topuz të ulët dhe të lirshëm, shkruan DailyMail.

Emily e aksesoi dukjen e saj me një palë vathë të vegjël floriri. Në ansamblin e saj tërësisht të zi, ishin një palë syze dielli të zeza.

Autorja e “My Body” dukej se ishte në gjendje të mirë pas lajmeve se podcasti i saj “High Low me EmRata” ishte anuluar nga drejtuesit e “Sony” në shtator.

Podcasti i saj u shfaq premierë në 1 nëntor të vitit të kaluar, me feministen e hapur që e pa atë si hapin tjetër në karrierën e saj.

Ajo i tha “Variety” pak para se të debutonte podcasti i saj se “Jam shumë e emocionuar për prodhimin e shfaqjes dhe për ta bërë atë në mënyrën time”.

Duke shtuar se ajo u rrit duke dëgjuar shfaqje radiofonike, Emily tha: “Të jesh në gjendje të zhytesh në temat që më interesojnë, në këtë format është kaq emocionuese”.

Sipas Bloomberg, ndërsa podcasti gjeti sukses në mesin e audiencës ndërkombëtare, shfaqja pati vështirësi kryesisht për shkak të mungesës së reklamuesve.

I njëjti raport thoshte se reklamuesit e lartpërmendur donin të arrinin kryesisht një audiencë amerikane.

Megjithatë, burime thanë për median se bukuroshja brune planifikon ta çojë shfaqjen e saj diku tjetër.

Ajo nuk e ka adresuar anulimin e podcastit në faqen e saj në Instagram për 30.2 milionë ndjekësit e saj.

Postimi i saj i fundit përfshinte bukuroshen mahnitëse duke ndarë një set fotografik nga fushata e saj e fundit reklamuese për linjën e modës “Self-Portrait”. /Telegrafi/