Emery: Villarreali tregoi pjekuri dhe përvojë ndaj Juventusit

Trajneri i Villarrealit, Unai Emery, vlerësoi ‘pjekurinë’ e skuadrës së tij për kundërpërgjigjen pas golit të Juventusit në minutën e parë.

Bianconerët patën fillimin perfekt në stadiumin ‘La Ceramica’ kur Dusan Vlahovic shënoi 32 sekonda pas fillimit të takimit në debutimin e tij në Ligën e Kampionëve.

Megjithatë, Dani Parejo barazoi shifrat duke shfrytëzuar një boshllëk të madh në qendër të mbrojtjes, ku Adrien Rabiot dhe Matthijs de Ligt e lanë atë plotësisht të lirë.

“Ne treguam pjekuri dhe përvojë si individë dhe si kolektivë”, ka thënë fillimisht trajneri spanjoll në konferencën e tij për shtyp.

Lexo po ashtu Villarreal dhe Juventus ndahen baras në aktin e parë

“Këto na lejuan të kuptojmë se gjithçka mund të ndodhë kundër këtyre skuadrave, ndaj arritëm të mos ulim kokën. Kjo pjekuri ishte shumë e rëndësishme”.

“Raul Albiol i ndihmoi bashkëlojtarët e tij të qëndronin të qetë dhe ne e kthyem lojën. Një gol i dytë i pranuar do të ishte shqetësues, por ne treguam karakter dhe jemi plotësisht të kënaqur”.

𝘿𝙞𝙚 𝙈𝙚𝙞𝙨𝙩𝙚𝙧, 𝘿𝙞𝙚 𝘽𝙚𝙨𝙩𝙚𝙣, 𝙡𝙚𝙨 𝙢𝙚𝙞𝙡𝙡𝙚𝙪𝙧𝙨 𝙚𝙦𝙪𝙞𝙥𝙚𝙨, 𝙩𝙝𝙚 𝙘𝙝𝙖𝙢𝙥𝙞𝙤𝙤𝙤𝙤𝙤𝙤𝙣𝙨 🎶🎶.#UCL pic.twitter.com/VVDcrdNcAs

— Villarreal CF (@VillarrealCF) February 22, 2022

“Ata janë ende favoritët, ne duam të tregojmë aftësitë tona dhe të lëmë derën e hapur për kualifikim të mundshëm”, shtoi Emery.

“Kjo dëshmon se ne kurrë nuk jemi të ngopur, ne gjithmonë duam të japim më të mirën tonë dhe nuk lejojmë të na bie koka pasi pranojmë herët. Ne duam të fitojmë, të jemi të fortë dhe presim shumë nga vetja”.

Lexo po ashtu Allegri: Ndeshja kthyese si finale - më mirë një Juve e shëmtuar dhe fituese, se sa e bukur dhe humbëse

Pati polemika kur Rabiot rrezikoi një karton të kuq për një ndërhyrje shumë të ashpër ndaj Samu Chukëueze, por VAR-i nuk ndërhyri për të sugjeruar një rishikim dhe për ta përmirësuar kartonin e verdhë me një përjashtim.

“VAR-i mund të kishte marrë një vendim tjetër, por në përgjithësi gjyqtari ishte perfekt. Mund të ishte dukur më keq në televizion, por unë e respektoj vendimin e gjyqtarit”.

“Gjërat do të kishin ndryshuar në mënyrë drastike nëse do të kishte pasur një karton të kuq në atë moment, por unë nuk dua të kapem pas kësaj”, përfundoi Emery. /Telegrafi/