Elon Musk nuk është fans i Liverpoolit, por i rivalit të tyre më të madh në Ligën Premier

Elon Musk po lidhet me blerjen e Liverpoolit dhe kjo ide doli në pah nga babai i tij, Errol.

Të martën, babai i miliarderit, Errol, pretendoi se djali i tij është i interesuar të blejë Reds dhe përmendi se familja ka lidhje me Liverpoolin – me gjyshen e tij nga babai Cora Robinson që thuhet se ka lindur dhe është rritur në qytet.

Musk, pronari i SpaceX dhe Tesla ka një vlerë të madhe neto prej 425.2 miliardë dollarë dhe kështu nuk do ta kishte problem ta blinte gjigantin anglez.

Megjithatë, ai në fakt ka një lidhje personale me rivalët e hidhur të Liverpoolit, Manchester United dhe ka deklaruar se ata janë i vetmi klub që ai do të blinte ndonjëherë.

Pasi bëri shaka se po blinte Red Devils para se të rikthehej, Musk shkroi: “Megjithëse, nëse do të ishte ndonjë ekip, do të ishte Man U. Ata ishin ekipi im i preferuar si fëmijë”.

Lexo po ashtu Elon Musk do të thyente "rregullin e artë" me blerjen e Liverpoolit

Liverpool ka qenë në pronësi të Fenway Sports Group që nga tetori 2010 – megjithëse firma shiti një pakicë të aksioneve midis 1.9 dhe 3.8 për qind të firmës globale të investimeve sportive Dynasty Equity në shtator 2023.

Megjithatë, sipas The Times, pronarët e Liverpoolit “nuk kanë dëshirë” për të zhvilluar diskutime me Musk dhe kur bëhet fjalë për intervistën në radio nga babai, pretendohet se klubi “nuk po e merr atë seriozisht”. /Telegrafi/