“Ekuacioni me tre elemente”, mund ta bëjë trurin tuaj më të mprehtë dhe më të shëndetshëm

Kërkimet mbi jetëgjatësinë e trurit janë të pafundme

Korrespondenti kryesor mjekësor i CNN, Sanjay Gupta, ia ka kushtuar pjesën më të madhe të karrierës së tij të studimit, çdo gjëje që e mban trurin “të shëndetshëm e të ri”, edhe në moshë të thyer.

Pas ditëlindjes së tij të 51-të, Dr. Gupta shkroi se 3 sjellje (të cilat mund t’i bëni edhe të gjitha përnjëherë), janë thelbësore për të mbrojtur organin tuaj të të menduarit.

“Në rolin tim si mjek dhe edukator publik, kam vënë re se njerëzit kanë tendencë të kenë një ide të kufizuar të asaj se çfarë është i aftë të bëjë truri i tyre ndërsa plaken dhe fuqinë që ata kanë për ta përmirësuar veten, për ta bërë më të shpejtë, më të mirë dhe po, më të mprehtë.”

Ideja që truri është i palëvizshëm, thotë Dr. Gupta, është një mashtrim kolektiv që komuniteti shkencor tani po punon në mënyrë të vazhdueshme për ta çarmatosur.

Ndërsa ata po punojnë për këtë, tre strategji shfaqen si mënyrat më të mira për të përmirësuar shëndetin e trurit:

Së pari, lëvizja!

“Aktiviteti fizik nxjerr substanca në tru që veprojnë si një pleh mbi qelizat e trurit për rritjen dhe mbijetesën e tyre. Kjo na lejon të mësojmë vazhdimisht aftësi të reja dhe të eksplorojmë hobi të reja stimuluese, anti-stresuese dhe shpërblyese, të gjithë faktorë që na ndihmojnë për të qëndruar të mprehtë “, shton ai. Prandaj, merrni parasysh të djersitni pak në hapin e parë “të ekuacionit”.

Së dyti, lidhjet shoqërore!

Dr. Gupta tregon për pasurinë e provave që sugjerojnë se truri lulëzon nga lidhjet njerëzore. Një sërë studimesh kanë zbuluar se ata me një rreth të fortë shoqëror kanë më pak probleme shëndetësore dhe jetojnë më gjatë sesa ata që nuk e bëjnë këtë. Pra, kur të jeni duke u djersitur, shikoni nëse një mik (ose një shok karantine) mund të vijë së bashku me ju.

Së treti, komunikimi!

Dhe për të përmbledhur “ekuacionin me tre elemente”, Dr. Gupta thotë se do t’ju duhet gjithashtu të jeni vërtet të angazhuar me personin para jush. Bëni kontakt me sy ndërsa bëni kërcime, pyesni për gjërat e vështira, tregojuni atyre se çfarë po ndodh vërtet me ju etj.

“Nëse i bashkoni të gjitha këto, është një nga gjërat më të mira që mund të bëni për trurin tuaj: Bëni një shëtitje të shpejtë me një mik të ngushtë dhe diskutoni problemet tuaja.
Këto strategji mund të tingëllojnë jashtëzakonisht të thjeshta dhe mbase çuditëse, por ato

funksionojnë”, thotë Dr. Gupta.

Truri juaj mund të jetë një organ i komplikuar, por trajtimi i tij është në të vërtetë mjaft i thjeshtë.

Burimi: Healthline, Well&Good