LAJMI I FUNDIT:

Eksperti amerikan: Biden nuk do ta këshillojë Kosovën ta zhvendos ambasadën e saj nga Jerusalemi

Eksperti amerikan: Biden nuk do ta këshillojë Kosovën ta zhvendos ambasadën e saj nga Jerusalemi

Eksperti amerikan i zhvillimeve ndërkombëtare, veçmas i Lindjes së Mesme, Alon Ben Meir, ka thënë se Kosova duhet të respektojë marrëveshjen me Izraelin për bendosjen e ambasadës në Jerusalem, pavarësisht kundërshtimeve të BE-së.

Kosova dhe Izraeli formalizuan marrëdhëniet diplomatike më 1 shkurt, vendim i cili nga të dyja shtetet u cilësua si historik. Në marrëveshjen e arritur, Kosova u zotua se do ta hap ambasadën e saj në Jerusalem.

Eksperti amerikan Alon Ben Meir thotë se “që nga koha kur Izraeli dhe Kosova ranë dakord se normalizimi i marrëdhënieve midis dyja vendeve kërkonte që Kosova të hapte ambasadën e saj në Jerusalem, besoj se qeveria duhet t’i përmbahet marrëveshjes; e cila thotë se (ambasada) duhet të jetë në Jerusalemin Perëndimor, ku ndodhet ambasada amerikane”.


Ai nuk beson se Bashkimi Evropian do ta ndëshkojë Kosovën për hapjen e ambasadës në Jerusalem dhe jo në Tel Aviv, kryeqytet të cilën e njeh BE-ja sipas rezolutave të Kombeve të Bashkuara.

“Bashkimi Evropian mund të dekurajojë Kosovën që mos ta hap ambasadën e saj në Jerusalem, por unë nuk mendoj se BE-ja do të ndërmarrë veprime ndëshkimore nëse Kosova vazhdon të veprojë siç ka rënë dakord me Izraelin. Meqenëse, (Joe) Biden nuk pritet të zhvendosë ambasadën e SHBA-së sërish në Tel Aviv, nuk ka gjasa që ai ta këshillojë Kosovën të bëjë ndryshe”, tha eksperti amerikan.

Ndryshe, Peter Stano, zëdhënësi i BE-së për punët e jashtme, ka kritikuar vendimin e Prishtinës duke ia rikujtuar se të gjitha ambasadat e vendeve anëtare të organizatës evropiane në Izrael janë të vendosura në Tel Aviv. /Telegrafi/

Në trend Lajme

Më shumë
“U hap kutia e Pandorës!” Eksperti: Shqipëria dhe Kosova duhet të armatosen

“U hap kutia e Pandorës!” Eksperti: Shqipëria dhe Kosova duhet të armatosen

Lajme
Numërohen mbi 63 për qind të vendvotimeve, KQZ jep detaje

Numërohen mbi 63 për qind të vendvotimeve, KQZ jep detaje

Lajme
Dallimet mes urimeve të presidentëve amerikanë Trump dhe Biden për Pavarësinë e Kosovës

Dallimet mes urimeve të presidentëve amerikanë Trump dhe Biden për Pavarësinë e Kosovës

Lajme
Përleshje në veri të Mitrovicës - policia arreston gjashtë persona

Përleshje në veri të Mitrovicës - policia arreston gjashtë persona

Kronika e Zezë
Alarmi i ekspertëve: Deti Adriatik po përparon me shpejtësi në bregdetin shqiptar

Alarmi i ekspertëve: Deti Adriatik po përparon me shpejtësi në bregdetin shqiptar

Lajme
Trump e uron Osmanin për 17-vjetorin e Pavarësisë: Presim me padurim t’i zgjerojmë lidhjet midis popujve tanë

Trump e uron Osmanin për 17-vjetorin e Pavarësisë: Presim me padurim t’i zgjerojmë lidhjet midis popujve tanë

Lajme
Kalo në kategori