Edhe këtë verë pa liberalizim vizash (Video)

Probleme të reja ka parashtruar Bashkimi Evropian për vendet që po presin liberalizimin e vizave.

Agjencia e Lajmeve Reuters paralajmëroi të mërkurën ngadalësim të procesit të liberalizimit për Kosovën, deri kur Parlamenti Evropian t’i miratojë ndryshimet që do të mundësojnë rivendosjen me procedurë të përshpejtuar të regjimit të vizave në rast keqpërdorimi.

Krejt kjo për shkak të fluksit të madh të imigrantëve nga Lindja e Mesme, përcjell KohaVision. Problem tjetër i brendshëm për Kosovën, që mund ta vë në mëdyshje procesin, përpos demarkacionit e luftimit të krimit, konkretisht është edhe ekstremizmi fetar, thotë Augustin Palokaj.

Po për shkak të ekstremizmit, dy eurodeputetë francezë kanë kërkuar stopimin e perspektivës evropiane të Kosovës, duke propozuar një rezolutë që kërkon të bëhen hetime rreth financimeve të dyshimta nga Arabia Saudite, me qëllim ngritjen e vehabizmit.

Fisnik Rexhepi, këshilltar i ministrit të Integrimit, Bekim Çollaku, thotë se as këto iniciativa për kërkim të hetimeve të ekstremizmit nuk do të paraqesin pengesë që vizat të hiqen në vjeshtë.

https://vimeo.com/169122846