Edhe grekët e lashtë pretendonin se me këtë pije mund të jetonin deri në njëqind vjet

Është plot vitamina dhe i mirë për shëndetin tuaj

Dhia është kafsha e parë të cilën njerëzit kaherë e kanë zbutur për shkak të qumështit dhe mishit.

Thonë që shëndeti vjen nga goja. Paraardhësit tanë dinin për këtë eliksir të shëndetit disa mijëvjeçarë më parë.

Njerëzit gjithmonë kanë përdorur qumësht dhie si ushqim por edhe si ilaç. Studimet bashkëkohore kanë konstatuar që kjo pije ndihmon në parandalimin dhe shërimin e shumë sëmundjeve.

Dhia është kafsha e parë të cilën dikur njerëzit e kanë zbutur për shkak të qumështit dhe mishit. Mu nga qumështi i dhisë paraardhësit tanë të hershëm kanë filluar të bënin djathin e parë, transmeton Telegrafi.

Që atëherë, dhia ka shpëtuar jetën e shumë njerëzve – madje edhe perëndive. Sipas legjendës, foshnja Zeus u ushqye nga dhia Amaltheus kur u fsheh në një shpellë nga babai i tij i tmerrshëm Kronus. Briri i Amaltheas, nga i cili rrodhi nektari dhe ambrosia, mori emrin “briri i bollëkut” dhe u bë simbol i prosperitetit.

Edhe pse qumështi i dhisë nuk është ambrozi hyjnore, ai gjithashtu ka qenë gjithmonë një simbol i një jete më të mirë pasi ka kontribuar në shëndetin dhe jetëgjatësinë. Shkencëtari persian Avicena e konsideroi këtë pije mënyrën më të mirë për të parandaluar demencën. Hipokrati rekomandoi që të gjithë të pinin qumësht dhie në mënyrë që të jetonin njëqind vjet.

Kleopatra shtoi qumësht dhie në banjat e saj për të ruajtur bukurinë e saj. Në mesjetë, marinarët shpesh sillnin dhi në anije për të pirë qumësht të freskët gjatë udhëtimeve të gjata.

Qumështi i dhisë përmban vitamina A, B, C, E, D, shumë aminoacide, selen, zink, kalium që normalizon punën e sistemit kardiovaskular, kalcium që forcon kockat, fosfor që është shumë i rëndësishëm për funksionin e trurit dhe hekur që parandalon aneminë.

Përveç kësaj, sipas shkencëtarëve, qumështi i dhisë është një antidepresant i fuqishëm. /Telegrafi/