Rap-artisti i njohur, Mozzik, të premten (14 qershor) publikon albumin e ri të titulluar "Mërgimstar".
Ka premtuar shumë sa i përket këtij projekti, ndonëse ka realizuar 20 këngë bashkë me videoklipe.
Në mesin e tyre ka edhe disa bashkëpunime me emra të njohur të estradës.
Derisa kanë mbetur edhe dy ditë deri në lansim, ai u ka bërë thirrje estradës duke thënë se nuk e ka ngacmuar askënd.
"Ekzistojnë nganjëherë disa komente të estradës nëpër 'së shpejti' të mi disa suksese, disa bravo, disa respekt. Askund më nuk po mund të i gjejë", tha ai.
"Mos u frikësoni askush se kurrë nuk e kam ngacmuar askënd. Fleni dathë", shtoi mes tjerash artisti.
Pritet të shihet se çfarë ka realizuar ai këtë herë për fansat e publikun. /Telegrafi/
Foto: Screenshot/Instagram
