Edhe 598 mësimdhënës trajnohen si pjesë e programit ‘‘Shkollat e shekullit 21’’

Pas ciklit të parë shumë të suksesshëm të trajnimeve, si pjesë e programit të Shkollave të Shekullit 21, ka filluar cikli i dytë më 14 shtator 2019 me trajnime për drejtorët e shkollave në Ferizaj dhe Gjilan, dhe më 21 Shtator 2019 filluan trajnimet për mësuesit në Ferizaj, Kaçanik dhe Han i Elezit.

Sipas njoftimit për media ky program prej 10 milion funte. i zbatuar nga British Council dhe i financuar nga qeveria e MB, do të arrijë në 598 mësues në 142 shkolla në dy muajt e ardhshëm. Poashtu, 3,820 pajisje micro:bit: të cilat përdoren për kodim, u dhurohen shkollave në Ferizaj, Shtërpce, Kaçanik, Han i Elezit, Viti, Kllokot, Novobërdë, Kamenicë, Gjilan, Gllogoc, dhe Prishtinë.

Në njoftim thuhet se rezultatet nga cikli i parë janë një tregues i shkëlqyeshëm që shkollat, British Council dhe Ministria e Arsimit po bëjnë një punë të shkëlqyeshme me këtë program. Në garat e fundit rajonale të kodifikimit, të mbajtur në Beograd në prill, si pjesë e Samitit Digjital të Ballkanit Perëndimor, ekipi i Kosovës ka fituar një çmim të madh. Shkolla “Faik Konica” nga Prishtina fitoi vendin e dytë në garë.

Ndër të tjera sipas njoftimit fëmijët po mësojnë në një mënyrë të re, argëtuese dhe interesante duke përdorur micro:bit, pajisje të kodimit të madhësisë së xhepit, dhe rezultatet tashmë janë duke u vërejtur.

Përderisa mësuesit janë shtylla themelore e arsimit të shkëlqyeshëm, British Council po përqendrohet në trajnimin e mësuesve për të përfshirë këto praktika të reja mësimore në klasat e tyre dhe t'i ndihmojë fëmijët të përgatiten për të ardhmen. Programi i Shkollave të Shekullit 21 do të arrijë më shumë se 1 milion fëmijë në Ballkanin Perëndimor në tre vitet e ardhshme dhe do t’u japë atyre aftësi për të zgjidhur problemet jashtë kornizave duke përdorur mendimin kritik dhe kodimin./Telegrafi/