“E pabesueshme”, reagimi i Granit Xhakës pas kalimit në finalen e Ligës së Evropës

Mesfushori shqiptar, Granit Xhaka ka reaguar me anë të rrjeteve sociale për kalimin e Bayer Leverkusenit në finalen e madhe të Ligës së Evropës.

Leverkuseni ishte duke humbur 0-2 nga Roma të enjten mbrëma, por me një rikthim fantastik barazoi shifrat në 2-2 dhe me këtë rezultat u mbyll ndeshja.

Përveçse siguroi kalimin në finalen e Ligës së Evropës, Leverkuseni vazhdoi serinë pa humbje, duke thyer çdo rekord me 49 ndeshje pa humbje.

Lexo po ashtu Bayer Leverkusen kthehet ndaj Romës dhe shpëton nga humbja, kalon në finalen e Ligës së Evropës

Rikthimi fantastik dhe vazhdimi i serisë pa humbje e ka gëzuar pa masë edhe njërin nga yjet kryesor të skuadrës, shqiptarin Granit Xhaka.

Xhaka ka shfrytëzuar profilin e tij privat në Instagram për të bërë një postim në lidhje me arritjen e Leverkusenit.

Lexo po ashtu Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike

“Wow! E pabesueshme. Le të vazhdojmë të punojmë, le të jemi të fokusuar – kemi shumë më tepër për të arritur!”, ka shkruar Xhaka.

Ndryshe, Leverkuseni në finale do të takohet me skuadrën italiane, Atalanta, ku aty njëri nga më kryesorët është kapiteni i Shqipërisë, Berat Gjimshiti. /Telegrafi/

View this post on Instagram

A post shared by Granit Xhaka (@granitxhaka)