E kryer, Gladbach vendos shitjen e Xhakës për një shumë të ‘çmendur’

Granit Xhaka është duke i luajtur ndeshjet e fundit me fanellën e skuadrës gjermane Borussia Moenchegladbach.

Mesfushori kosovar ka shkëlqyer në dy edicionet e fundit në Bundesliga dhe në Evropë gjë që ka bërë që për të të interesohen gjysma e Evropës.

Por si duket e ardhmja e tij është në Londër të Anglisë tek skuadra që më së shumti është duke e kërkuar dhe ajo është Arsenal.

Mediat në Gjermani kanë raportuar se klubi aktual i Xhakës, Gladbachu ka filluar tanimë bisedimet me Arsenalin për transferimin e Granitit në ‘Emirates Stadium’.

Gladbachu i ka bërë të qartë Arsenalit se shuma minimale që duhet të ofrojnë për Granitin është 33 milionë funte apo 42 milionë euro.

Gjithsesi Arsenali duhet të ofrojë edhe më shumë pasi për 23-vjeçarin janë të interesuara shumë skuadra të ndryshme evropiane.

Manchester City, Liverpool, Atletico Madrid, Bayern Munich dhe Inter vazhdojnë të shpresojnë për të nënshkruar me Xhakën.

Por një gjë duket se do të jetë e sigurt, Graniti do të bëhet futbollisti më i shtrenjtë shqiptar në të gjitha kohërat. /Telegrafi/